उमगुनिया दसरा ।। संसृतीसी वीसरा । पुनरपी न घसरा ।। करूनी सद्गुरु आसरा ।। धृ० ।। अपरा प्रकृति खंडुनी ।। परा प्रकृति दंडुनी । ऐक्यभाव मांडुनी ।। भजा सद्गुरुवरा ।। १ ।। नश्वरासी त्यागुनी ॥ नित्यसुखा भोगुनी । निजरंगी रंगुनी || मिळा प्रेमसागरा ।। २ ।। सत्यज्ञान अनंत ।। दत्तबालावधूत ।। प्रेमभरें डूलत ।। त्यागुनी परावरा ।। ३ ।।
आश्विन महिन्यांत नवरात्र संपल्यावर विजया दशमी येते. तो सीमोल्लंघाचा आनंदाचा सण असतो ! परंतु आत्मदृष्टीने विचार करून दसरा म्हणजे काय ? हे गुरुमुखे समजून घेऊन तसा दसरा करणें असा की, 'दोन नाकपुड्या, दोन कान, दोन डोळे, मुख, गुद, शिश्न असे मिळून या देहाचे नऊ दरवाजे ओलांडून, दहावें ब्रह्मरंध्र या द्वारात प्रवेश करून, भृकुटी स्थानी सहावे अग्नि चक्र आहे, तेथे नित्य प्रकाशमय आत्मज्योतीचे दर्शन घेऊन, अखंड आत्मानंद भोगणे, हेच सोने लुटणे आहे. हाच खरा दसरा करणे होय. तर या भासमात्र, संसार, देह जगांस विसरून स्वस्वरूपांत रमा. पुन्हा खाली घसरून, या नाशवंत खोट्या संसारात दुःख भोगून खितपत पडूं नका ! तर सद्गुरूचा आश्रय घ्या. ।।धृ.।। संसारात मन रमणे, विषयासक्त होणें ही प्रवृत्ति हीच अपरा प्रकृति आहे. तर हिचे खंडण करून, संसारातील मन काढून, ते ईश्वराकडे लावणे हिच परा प्रकृति आहे तर हिला शिक्षा करून, जीव ब्रह्माचें ऐक्यच आहे, असा समरस भाव उभारून, सर्वश्रेष्ठ अशा सद्गुरू बालमुकुंदाची भक्ती करा. ।। १ ।। त्याचप्रमाणे या नाशवंत देह, जग, संसार याचा त्याग करून अखंड आत्मसुख भोगून आपल्या आत्मानंदात रंगून जा ! प्रेममय अशा आत्मस्वरूप सागरांत मिळून एकरूपच होऊन जा ॥ २ ।। सत्य, ज्ञान व अनंत या तिन्ही लक्षणांनी युक्त असा दत्त परमात्मा आहे, तोच माझा सद्गुरू बालमुकुंद आहे ! तो परमात्मा प्रेमबहरानें बहरून प्रेमानंद भोगण्यासाठी आपले ब्रह्मानंद स्वरूप याचा त्याग करून, पुरुष व प्रकृतिरूपाने जगरूप होऊन, आपल्या प्रेमानंदात आपणच डोलत आहे ! हे तुम्ही गुरुकृपे जाणून, नित्य प्रमानंद भोगा ! प्रेमानंद भोगण्यासाठीच जन्म घेतला आहे. ।।३॥
#दत्तभजन #पंतमहाराजभजन #पंतमहाराजबाळेकुंद्री #pantmaharajbalekundri #pantmaharajbhajan #पंतभजन #दत्तप्रेमलहरी #dattapremlahari #भजन #bhajan #आरती #arti #arati #भक्ति #bhakti #दत्तात्रेय #dattatraya #dattatreya #दत्त #datt #datt #भक्ती #pantsampraday #पंतसंप्रदाय #पंतसांप्रदाय #पंथमहाराज #panthmaharaj
Негізгі бет उमगुनिया दसरा | दत्त प्रेमलहरी पद १९३२ | datta premlahari pad 1932 | umaguniya dasra
Пікірлер: 10