Unsere Stammbaum
Gesungen von Wilmas Pänz
Text und Musik: K. F. Biermann, Ralph Gusovius, Hans Rudoph Knipp, Günther Lückerath, Hartmut Prieß, Wilhelm Schnitzler, Peter Schütten, Ernst Stoklosa
Die Aufnahme wurde im Studio von Dieter Dreesbach gemacht.
Text:
Unsere Stammbaum
Ich wor ne stolze Römer, kom met
Caesar's Legion,
un ich ben ne Franzus, kom mem Napoleon.
Ich ben Buur, Schreiner, Fescher, Bettler
un Edelmann,
Sänger un Gaukler, su fing alles aan.
Refrain:
Su simmer all he hinjekumme,
mir sprechen hück all dieselve Sproch.
Mir han dodurch su vill jewonne.
Mir sin wie mer sin, mir Jecke am Rhing.
Dat es jet, wo mer stolz drop sin.
Ich ben us Palermo, braat Spaghettis
für üch met.
Un ich wor ne Pimock, hück laach ich met üch met.
Ich ben Grieche, Türke, Jude, Moslem un Buddhist,
mir all, mir sin nur Minsche, vür'm Herjott simmer glich.
Refrain: Su simmer all ...
De janze Welt, su süht et us,
es bei uns he zo Besök.
Minsche us alle Länder
triff m'r he aan jeder Eck.
M'r gläuv, m'r es en Ankara, Tokio
oder Madrid,
doch se schwade all wie mir
un söke he ihr Glöck.
Refrain: Su simmer all ...
Refrain: Su simmer all ...
Негізгі бет Unsere Stammbaum
Пікірлер