Амарсан өдрөө үнэн үгтэй сайхан шүлгийг уншиж орууллаа. Зарим хүмүүс уншиж сонсоход их хэрэгтэй шүлэг шүү!!!
#Эхнэртэй #хүнд #битгий #дурла!
Эхнэртэй хүнд битгий дурла
Энгэрээ хумь, өөрийгөө нуу
Адал явдал гэж битгий сониучирх
Амьдрал нураах гуниг зовлон шүү
Зуурдхан шүү дээ үүрд биш гэж
Зүрх сэтгэлээ битгий хуур
Жаргалын чинь үнэ цэнэ ямар байсныг
Зовох цагтаа л чи хожимдож ойлгоно
Хариуцлагатай нэг нь чамд дурласан ч
Ханиа л сонгоно, чи л шархална
Хайртай гэж уйлан дуулсан ч
Хэзээ ч ирэхгүй, хүлээх ч хэрэггүй
Хөнгөн нэг нь хүслээ дийлэхгүй
Хайртай гээд чамайг сонгосон ч
Хүний амьдрал булаасан гэм чинь
Хэзээ ч чамаас салахгүй
Хуулийн ч өмнө, бурханы ч өмнө
Хэрэгтэн шүү дээ, хатуухан хэлэхэд
Цаасан дээр л чамайг яллаагүй болохоос
Цаг нь болоход заавал шүүгдэнэ
Эхнэртэй хүний зугаа болж
Эгэл амьдралын хачир нь болж
Дутуу амьдралых нь нөхөөс хийхээ
Дурлал гэж битгий эндүүрээрэй
Шүтэн бишрэгчээ нэгээр нэмэх гэж
Шунах хэрэггүй ээ эхнэртэй хүнд
Эмэгтэй хүн хана хэрэм шиг байвал
Эр хүн давах гэж хүчлэхгүй
Бусдын нулимсан дээр боссон амьдрал
Баяр хөөртэй удаан үргэлжлэхгүй
Харуусал гэмшил зүрхийг чинь өвтгөж
Хэзээ ч чамайг жаргахыг зөвшөөрөхгүй
Ааваа нэхэх үрсийнх нь уйлаан
Амьдралын туршид чихэнд чинь хадна
Ханиа булаалгасан бүсгүйн нулимс
Хувь заяанд чинь үерлэн бууна
Янагийн галд бие чинь шатсан ч
Яаж ч байсан нүглийг тэвч ээ
Бусдын жаргалыг булаагаагүйн чинь төлөө
Бурхан чамайг шагнах л болно!
#БусдынЖаргалыгБитгийБулаа
Сайхан шүлэг!
Via - Хэн нэгэн. Миний шүлэг биш шүү найзуудаа!!
Зохиолч нь уншвал шүлгийг тань ингээд уншчихлаа. Хэрвээ сонсвол холбогдоорой!!
Ийм сайхан үнэн үгтэй шүлэг бичсэнд баярлалаа.
Негізгі бет Urangoo - Ehnertei hvnd bitgii durla!!!
Пікірлер