Bugun, 16-iyun kuni University of Science and Technologies’ning “Fan javohirlari” loyihasi doirasida ona tili va adabiyotdan fan olimpiadasi bo‘lib o‘tdi. Unda butun respublikadan tashrif buyurgan 67 nafar maktab bitiruvchilari ishtirok etishdi.
Olimpiada universitetning so’nggi rusumli kompyuterlar bilan jihozlangan Elektron kutubxonasida tashkil etildi. Imtihonga kelgan o’quvchilar esa o’z bilimlarini sinab ko’rishga muvaffaq bo’lishdi.
Ikki soat davom etgan hayajonli daqiqalardan so’ng barcha ishtirokchilarning natijalari e’lon qilindi. Unga ko’ra, yuqori ko'rsatkichlarga erishgan 20 nafar o‘quvchilar olimpiadaning ikkinchi bosqichida ishtirok etish imkoniyatini qo‘lga kiritishdi. Qolganlar ham sovg’asiz qolmadi: imtihonga kelgan barcha o’quvchilar University of Science and Technologies’ga test sinovlarisiz, imtiyozli asosda kirish imkonini beradigan sertifikat bilan taqdirlandi.
Eslatib o’tamiz, olimpiadaning ikkinchi bosqichi 6-iyul kuni bo‘lib o‘tadi. Unda sovrinli 3 ta o’rinni egallagan o‘quvchilar University of Science and Technologies’ga grant asosida o‘qishga qabul qilinadi.
Ertaga, 17-iyun kuni universitetimizda tarixdan fan olimpiadasi bo‘lib o‘tadi.
Murojaat uchun tel: +998 (93) 554-62-03
☎️ +99878-888-38-88
🌐 www.usat.uz
📍 Toshkent shahri, Algoritm dahasi, Diydor ko’chasi 71.
Негізгі бет USAT'da ona tili va adabiyotdan fan olimpiadasi bo‘lib o‘tdi
Пікірлер: 2