"FARYAAD E BIBI ZAINAB (s.a)
Title : UTHO BETA
Reciter : Nohakhwan Murtuza Jazib
Poetry : Sahil Cholasi
Composition : Murtuza Jazib & Shahkar Abbas
Soz : Shahrukh Abbas (Pak)
Translation : Syed Razi
Direction : Mehdi Hussain
Audio : Tee Zee Production
Chorus : Team Rizwan Mirza
Camera & Edits : Akram Editor
Support : Hai'at e Karbala, Alipur
Lyrics :
Lash khaime main jab aayi thi Ali Akbar ki
Gham main farzand ke halat thi ajab sarwar ki
Gir padi Maañ ki tarah lash pe akbar ki phuphi
Choom kar chahre ko akbar ke ye farmati thi
Haye haye ali akber haye akbar (2)
Kehti thi yeh Zainab ro ro kar..
Mai bulati hoon zara mujh ko sada de beta
Dard Kitna hai kaleje may bata de beta
Zakhm seene ka kisi ko toh dikha de beta
Ek lamhe ke liye hath hata de beta
Marjaongi warna Peet ke sar...
Poora ghar hogaya veeran tere jaane se
Reh gaya shaadi ka armaan tere Jane se
Ab hai tanha tahe zeeshan tere jane se
Tere maa ki bhi gayi jaan tere Jane se
Mar jaye na ab teri madar...
Kaisa Naiza tere seene me hai mara beta
Tere seene se lahu behgaya Sara beta
Tu ne ek baar phuphi ko na pukara beta
Kon ab dega shahe deeñ ko Sahara beta
Jab khayenge ran may teer o tabar...
Shirm se Bali sakina ko bachon kaise
Farz abbas ka bhi khud he nibhaon kaise
Aag kaimoñ me lage gi toh bujhaon kaise
Hosh me abide beemar ko laon kaise
Pani ka nahi qatra dilbar....
Naam se tere teri sugra ka khat aaya hai
Pehle safhe me shikayat me yeh farmaya hai
Kya mujhe bhool gaya jo nahi bulwaya hai
Sehra phoolon ka tere vaste bhejwaya hai
Wo baithi hui hogi dar par
Tu hame chhod gaya dukh yeh uthane ke liye
Ham toh zinda hain faqat ashk bahane ke liye
Uthja seene se sakina ko lagane ke liye
Mout hai marna tera sare gharane ke liye
Yeh daag uthe kaise dilbar
Hai qayamat ki ghadi aale eba par Sahil
Sab sada dete hain uthta nahi akbar Sahil
Tera Jazib bhi hai akbar ka sukhanwar Sahil
Ham Namazon me dua karte hain Aksar Sahil
Ek Baar Bulalo Roze Par
Eltemas-e-Dua
~ Nohakhwan Murtuza Jazib
Негізгі бет Utho Beta | Murtuza Jazib | Nohay Hazrat Ali Akbar (a.s) | 2023-1445H |
Пікірлер: 227