🎵 Shams Music-ə xoş gəldiniz! 🎵
Vüqar Biləcəri_Gəlir xəyalın hər gecə
Gəlir xəyalın hər gecə,nə yaxşı dindirir məni,
Xəyal da olsa,xoş gəlir,bir az sevindirir məni.
Kədərli yoldur hər biri üzümdəki qırışların,
Gülüm,qan etdi bağrımı tikanlı davranışların.
Üşütdü qəmli ruhumu soyuq-soyuq baxışların,
İçimdə həsrət atəşi yanır,isindirir məni.
Gəlir xəyalın hər gecə,nə yaxşı dindirir məni,
Xəyal da olsa,xoş gəlir,bir az sevindirir məni.
Əzizim,həsrətin mənə şirin gəlir vüsal kimi,
Düşür o günlərim yada nağıl kimi,xəyal kimi.
Sənin yolunda ,sevgilim,ölüm şirindi bal kimi,
Əcəl məgər nə qüvvədir,deyim çəkindirir məni.
Gəlir xəyalın hər gecə,nə yaxşı dindirir məni,
Xəyal da olsa,xoş gəlir,bir az sevindirir məni.
Bu çərxi bərbad olmuşun yedik qəmi-cəfasını,
Nə dadmadıq səfasını,nə dadmadıq vəfasını.
Yaraşdırır fələk mənə bu yaşda qəm libasını,
Nə yaxşı zövqü var bunun,əcəb geyindirir məni.
Gəlir xəyalın hər gecə,nə yaxşı dindirir məni,
Xəyal da olsa,xoş gəlir,bir az sevindirir məni.
İçimdə ney kimi nəva,gözümdə nəm,səsimdə qəm,
Yazanda ayrılıq qəmin,əlimdə od tutur qələm.
Çətindir ayrılıq yükü,çəkən bilər nədir bu qəm,
Dizin-dizin,sürüm-sürüm yıxıb süründürür məni.
Gəlir xəyalın hər gecə,nə yaxşı dindirir məni,
Xəyal da olsa,xoş gəlir,bir az sevindirir məni.
Bu videoda sizə ruhunuzu dincəldəcək gözəl melodiyalar təqdim edirəm. Hər notda ürəyinizin dərinliklərinə toxunmağı və sizi fərqli bir dünyaya aparmağı hədəfləyirəm. Ümid edirəm ki, bu musiqi sizə ilham verəcək və zövq alacaqsınız!
🎧 Bu mahnını bəyəndinizsə, bəyən düyməsinə basmağı və abunə olmağı unutmayın!
🔔 Bildirişləri açaraq ən yeni musiqilərdən ilk siz xəbərdar olun!
Xoş dinləmələr!
Müəllif hüquqları Shams Music tərəfindən qorunur musiqinin başqa kanallarda paylaşılması qadağandır əks halda kanal şikayət olunacaq.
Негізгі бет Vüqar Biləcəri_Gəlir xəyalın hər gecə (version one)
Пікірлер