Вареники. Алдымен салмамызды дайындаймыз. Ол үшін картопты қабығын аршып, суға пісіріп (20 минут) аламыз. Пиязды қызарғанша қуырып аламыз (пияз қоспасаңыз да болады). Піскен картоптың суын төгіп тастайсыз, езіп алғанға түбіне кішкенесін қалдырасыз, езесіз. Үстіне қуырып алған пиязды қосасыз. Қара бұрыш сеуіп, араластырасыз. Қамырды илеп, жұқа қып жайып аласыз. Домалақтап кесіп, түйюге бере бересіз. Домалақ қамырымызға салмамызды салып, айналдыра бекіте отырып түйесіз. Суға немесе пароваркаға пісіріп жей бересіз. Суда 6-8 минут қайнатсаңыз жеткілікті. Пароварка немесе мантоваркада 15-20 минут қайнатсаңыз болады. Қалауыңызша қаймақпен (сметана), кетчуппен жесеңіз дәмдірек шығады. Ас болсын!
Негізгі бет Вареники
Пікірлер