തിരൂർ സ്നേഹതീരം വോളന്റിയർ വിങ്ങ് വോളന്റിയർമാർക്കായി സംഘടിപ്പിച്ച പ്രസംഗ പരിശീലന ക്യാമ്പ് " വെൽമെന്റ് " ഗ്രാൻഡ് ഫിനാലെ ഗ്രെസ് റെസിഡൻസി കോണ്ഫറൻസ് ഹാളിൽ വെച്ച് സംഘടിപ്പിച്ചു. കഴിഞ്ഞ ഒരു മാസത്തോളമായി തിരഞ്ഞെടുത്ത വോളന്റിയർമാർക്ക് മാത്രമായി നടന്ന് വരുന്ന പ്രസംഗ പരിശീലന പരിപാടിയുടെ ഫൈനൽ സ്റ്റേജ് ആയിരുന്നു ഗ്രെസ് റെസിഡൻസി കോണ്ഫറൻസ് ഹാളിൽ സംഘടിപ്പിച്ചത്. പ്രസംഗ പരിശീലനം, നേതൃ പാടവം, സ്വഭാവ രൂപീകരണം തുടങ്ങിയ പാഠ്യപദ്ധതികൾ ഉൾകൊള്ളിച്ചാണ് 'വെൽ മെന്റ് - ദി ആർട് ഓഫ് മെന്ററിങ്ങ്' എന്ന പരിപാടി ഒരുക്കിയിരുന്നത്. സ്നേഹതീരം വോളന്റിയർ വിങ്ങിലെ ഓരോ അംഗങ്ങൾക്കും അവരുടെ പഠനത്തിലും, കരിയറിലും, മാറുന്ന ജീവിത സാഹചര്യങ്ങളിലും മികവോടെ മുന്നേറാൻ കഴിയുക എന്നതാണ് ഈ പരിശീലന പരിപാടി ലക്ഷ്യമാക്കുന്നത്. തിരൂർ എം.എൽ.എ ശ്രീ. കുറുക്കോളി മൊയ്തീൻ മുഖ്യാതിഥിയായി പങ്കെടുത്ത ഗ്രാൻഡ് ഫിനാലെയിൽ ഒന്നാം സ്ഥാനം റസാഖ് എം.വി കരസ്ഥമാക്കി. രണ്ടും മൂന്നും സ്ഥാനങ്ങൾ ജമീമ.എൻ, അസ്ല മോൾ എന്നിവർ കരസ്ഥമാക്കി. ഹബീബ് റഹിമാൻ ജൂറിയുടെ പ്രത്യേക പുരസ്കാരത്തിന് അർഹനായി. ദേശീയ അന്തർദേശീയ പരിശീലന പരിപാടികളുടെ സംഘാടകരും പരിശീലകരുമായ ആളുകൾ വിധികർത്താക്കളായി ഉണ്ടായിരുന്ന ഗ്രാൻഡ് ഫിനാലെയിൽ തിരൂരിലെ രാഷ്ട്രീയ സാമൂഹിക പൊതുപ്രവർത്തന രംഗത്തെ വിവിധ വ്യക്തിത്വങ്ങൾ പങ്കെടുത്തു. വെൽ മെന്റ് ഗ്രാൻഡ് ഫിനാലെയിലെ വിജയികൾക്കുള്ള മൊമെന്റോ, സെർട്ടിഫിക്കറ്റ്, ഗിഫ്റ്റ് തുടങ്ങിയവ ഫൈസൽ ജ്വല്ലറി, സമൃദ്ധി കെയർ, ലീ ചോക്കോ 916, ഗ്രെസ് റെസിഡൻസി തുടങ്ങിയ സംവിധാനങ്ങൾ സ്പോണ്സർ ചെയ്തു.
Негізгі бет വെൽ മെന്റ് - ദി ആർട് ഓഫ് മെന്ററിങ്ങ് - ഗ്രാൻഡ് ഫിനാലെഓഗസ്റ്റ് 6 ഞായറാഴ്ച 2023 | തിരൂർ
No video
Пікірлер: 1