БІЗДІҢ KZitem АРНАҒА ТІРКЕЛІҢІЗ: / @informburo31kanal
---------------------------------------------
Эверест шыңына шыққан тұңғыш қазақ қызы Анар Бурашева бүгін Алматыға келді. Әлемнің ең биік нүктесін бағындырған альпинистерді алматылықтар әндетіп, салтанатты түрде күтіп алды. Қатарында әскери бөлім қызметкерлері, альпинистер мен спортшылардың туыстары бар. Шыңға табан тіреген азаматтарымызды қарсы алуға әріптесім Диана Тұрлыбек те барып қайтқан еді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Әуежайға жиналғандар Анар мінген ұшақтың жерге қонған сәтін тағатсыздана күтті. Көк туды көкке көтерген жастар жерлестері Анар Бурашева мен жетекшісі Мақсұт Жұмаевті, сондай ақ үшінші спортшы Альмир Қымбатбайұлын айтулы жетістігімен құттықтады. Ең биік нүктені бағындырған Анардың туыстары да Шығыс Қазақстаннан арнайы келіпті.
СЕРІКҚАЗЫ ӘБІШЕВ, АНар Бурашеваның Нағашы Ағасы:
- Бір жағынан мақтаныш, бір жағынан қорқыныш болды. Қыз баласы болған соң ер адамдармен бірге тауға шығу деген екінің бірінің қолынан келмейді. Жиенімнің қадамына гүл бітсін.
Әлемнің ең биік шыңына шыққан тұңғыш қазақ қызы Анар болды. Сөзінше, ол бұл экспедицияға 6 ай бойы дайындалған. Өзінің басты мотиваторы отбасы болғанын атап өтті.
АНАР БУРАШЕВА, альпинист:
Эверестке барар жолда отбасымның суреті күртешемнің ішкі қалтасында, жүрек тұсымда болды. Мен бақыттымын. Қатты толқып тұрмын, команда мүшелерінің аман-есен елге, отбасына оралғанына қуаныштымын. Осылай бізді салтанатты түрде күтіп алған барша қазақстандыққа алғысым шексіз.
Эверест шыңына Анармен қоса тағы 2 қазақстандық спортшы шыққан. Бірі - Альмир Қымбатбайұлы. Ол бұл биіктікті алғаш рет бағындырып отыр. Ал, экспедиция жетекшісі Мақсұт Жұмаев 8848 метрге осымен үшінші рет барған.
АЛЬМИР ҚЫМБАТБАЙҰЛЫ, альпинист:
- Ойлағанымдай болған жоқ, қиынырақ болды. Барар алдында ойлағанмын жеңіл болатын шығар деп. Барғаннан кейін көзім жетті өте қиын екеніне.
МАҚСҰТ ЖҰМАЕВ, Эверест экспедициясының жетекшісі:
- Командада үш адам бар. Эвересті бағындыру 1,5 айға созылды. Біз осы уақыт аралығында отандастарымыздан көптеген ізгі тілектер мен қолдау сөздер жазылған хабарламалар алдық, баршаға алғыс айтамыз.
Айта кетейік, Эверест экспедициясы 6 сәуірде басталған еді. Олар 12 мамыр күні Непал уақытымен таңғы сағат 07:25-те Эверест шыңына сәтті көтерілді. Ұзақ сапардан келген отандастарымыз енді отбасыларының жанында болмақ.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Негізгі бет Эверест шыңына шыққан тұңғыш қазақ қызы Анар Бурашева бүгін Алматыға келді
Пікірлер