ഇന്ത്യൻ ജനാധിപത്യവും മതേതരത്വവും കൊടിയ ഭീഷണി നേരിടുന്ന ദുർഘടാവസ്ഥയിൽ നടക്കുന്ന ലോക്സഭാ തിരഞ്ഞെടുപ്പിൽ തൃശൂർ പാർലമെന്റ് മണ്ഡലത്തിൽ എൽഡിഎഫ് സ്ഥാനാർഥിയായി മത്സരിക്കുന്ന അഡ്വ. വി എസ് സുനിൽകുമാറിനുവേണ്ടി തൃശൂരിലെ വിവിധ കലാലയങ്ങളിലെ സുഹൃത്തുക്കൾ രംഗത്തിറങ്ങുകയാണ്. ആദ്യകാല വിദ്യാർത്ഥി സംഘടനാ പ്രവർത്തകരും അദ്ധ്യാപകരും ഇതോടൊപ്പമുണ്ട്. രാഷ്ട്രീയത്തിനതീതമായ സൗഹൃദത്തിന്റെ വിശാലതയാണ് വി എസ് സുനിൽകുമാറിന്റെ വിജയം ഉറപ്പാക്കാൻ ഒത്തൊരുമിക്കുന്ന കലാലയ കൂട്ടായ്മയുടെ ചാലകശക്തി.
പല കാലങ്ങളിൽ പല ലാവണങ്ങളിൽ ചിതറിപ്പോയ ക്യാമ്പസ് യൗവനങ്ങൾ കക്ഷിരാഷ്ട്രീയത്തിനതീതമായി
'വി വിത്ത് വിഎസ് 'എന്ന ആഹ്വാനവുമായി ഒന്നിക്കുകയാണ് .
വിദ്യാർത്ഥി സംഘടനാനേതൃത്വത്തിൽ
ദേശീയ തലത്തിൽ വരെ പ്രവർത്തിച്ച അനുഭവ സമ്പത്തുള്ള തൃശൂരിലെ ഏക സ്ഥാനാർഥി വിഎസ് സുനിൽകുമാറിന്റെ സഹയാത്രികരാണ് ഒത്തുചേരുന്നത്.
ഏപ്രിൽ 11ന് വ്യാഴാഴ്ച അഞ്ച് മുതൽ തേക്കിൻകാട് തെക്കേ ഗോപുരനടയിൽ നടക്കുന്ന 'വി വിത്ത് വിഎസ് ' സംഗമത്തിൽ കലാസാംസ്കാരിക രംഗത്തെ പ്രമുഖർ പങ്കെടുക്കും. സച്ചിദാനന്ദൻ, സാറ ജോസഫ്, മട്ടന്നൂർ ശങ്കരൻകുട്ടി ,കലാമണ്ഡലം ക്ഷേമാവതി, കമൽ, പി ടി കുഞ്ഞുമുഹമ്മദ്, ടി ഡി രാമകൃഷ്ണൻ, റഫീഖ് അഹമ്മദ് ,അശോകൻ ചെരുവിൽ, പ്രിയനന്ദനൻ, ആലങ്കോട് ലീലാകൃഷ്ണൻ, വി കെ ശ്രീരാമൻ, സി വി പാപ്പച്ചൻ , അഷ്ടമൂർത്തി, ബി കെ ഹരിനാരായണൻ, സി പി അബൂബക്കർ, ജയരാജ് വാരിയർ, കെ.രാജൻ, പ്രൊഫ.ആർ ബിന്ദു, പി.ബാലചന്ദ്രൻ തുടങ്ങി ഒട്ടേറെ പ്രശസ്തരും അധ്യാപകരും എഴുത്തുകാരും കലാകാരന്മാരും പങ്കെടുക്കും. പുഷ്പവതിയുടെ 'ആസാദി' ഗാനാവതരണത്തോടെ ആരംഭിക്കുന്ന സംഗമത്തിൽ ഇന്ത്യൻ ഭരണഘടനയുടെ ആമുഖം വായിക്കും. തുടർന്ന് യുവതയുടെ പാട്ടുകാരൻ അലോഷിയുടെ ഗാനമേളയും ഈയിടെ നമ്മെ വിട്ടുപോയ പി സലിം രാജ് സുനിൽകുമാറിന് വേണ്ടി എഴുതിയ ഗാനത്തിന്റെ പ്രകാശനവും നടക്കും.
പത്രസമ്മേളനത്തിൽ പങ്കെടുക്കുന്നവർ:
പി.എസ്.ഇക്ബാൽ, രാവുണ്ണി, ടി.ആർ.അനിൽകുമാർ,
സന്ധ്യ വേണുഗോപാൽ, എൻ.രാജൻ.
Негізгі бет വി വിത്ത് വിഎസ് 'സാംസ്കാരിക മഹാസംഗമം ഏപ്രിൽ 11 തൃശൂർ തേക്കിൻകാട് തെക്കേഗോപുര നടയിൽ
No video
Пікірлер