Inggih ide dane pamiarsa lanang istri sane kantunang ngrengga ri sejeroning base basita rikalaning jagi ngawentenang ngamed pined bebaosan alaki dampati rabi, sane wawu sampun keatur sapunapi pakem parikrama dudonan acara, pahpahan acara, undagan acara ritatkala mererasan, utawi tukar cincin sane kebaos medharma suaka utawi memadik, sane wawu ampun keatur, sakemaon ampura pisan menawite kirang langkung, tuna luwih atur titiang, titiang nunas geng Rene pengampura, sane malih jagi keatur rikalaning ide dane kepakusara sahe kesumakuta, kecatri, kesudi ngawentenang atur atur pengaksama ring jero, puri, pecanggahan sang merage purusa.
Pinih riin naler wenten sane ketah kebaos pemabah atur, bantang atur, pemuput utawi wasananing atur,
ka pertama pemabah.
Inggih angganing palungguh peranda lanang istri sane dahat suciang titiang, angga paiketan walaka griya lanang istri naler sane dahat pisinggihin titiang, angga paiketan puri para agung satria lanang istri naler sane dahat mustikayang titiang. Tan sah sahe tan tuna baktin titiang majeng ring ide dane sane nenten presida antuk titiang nyarca siki kekalih sepengerauh ide dane sareng sami sane tresna tresna sihin titiang.
Rahina ne mangkin titiang kepakusara sahe kesumakuta ngewentenang pengening ngening sapeaji penyuagatra atur pengaksama sematra, sakemaon sedurung ne kawitin titiang minekadi atur atur pengaksaman titiang, nganutin dresta duwe pinih riin lugrayang titiang ngarcana sarinin pawidi melarapan nyakupan piranti kara kalih sembah sidi mandi pengastungkara panganjali umat Om Swastiastu.
Kalase kalase dening piranti kara kalih japa pengraatitin titiang, dumogi ide dane sareng sami praside panggihin titiang pade kenak rahajeng labda karya lulut asih tan kehanan dening kesungkawang ri sejeroning swa wisma angga duwe soang soang.
Mejanten sampun sepengrauh ide dane sareng sami jagi iringin titiang nodia pinaka saksi ring Tri upasaksi tan sah ngrembe ngerentebin nunas piranti kara kalih puji pengrastitin ring sang mekekalih, dumogi sangkaning piranti kara kalih japa pengrastitin ide dane sareng sami loro loro ning atunggal sang alaki dampati rabi puniki pacang presida amangguh sukerta santa kadi ageming prayojana rauh amungkur wekas, aje agung wingit ring ambek sarira nike sane banget lungsur titiang, menawite wenten ri sejeroning titiang memaridabdab ngangganing acara ne puniki, duwaning kewimudan titiang ri sejeroning base basita tata titi parikramaning atur Sang meraga pascad wicana maosang luwir segara jimbar, segara tanpa tepi, menawite wenten tuna luwih doh ring sang sane mewasta sampurna antuk titiang ngewentenang atur atur pengaksama, semalihe genah titiang sane dahat kosek pisan, sangkaning pranamia manah ngandap kasor titiang, mangde ledang ugi ide dane sareng sami ngampurayang kalih ngaksamayang kewentenang titiang.
Bantang atur
Inggih ide dane pare uleman sareng sami sane dahat mustikayang titiang. Rumasa genar gargita paritusta manah titiang, mejanten sampun sangkaning pengendan, sahe aminte sih karunian ide sang Hyang parama kawi, rahina ne mangkin praside raris antuk titiang ngewentenang soba karaning yadnya pebiakalan ngelantur munggah panigraha Widi sane getah kebaos pawiwahan.
Mande ide dane nenten weruh ring rupa nenten weruh ring aren, sane lanang mepesengan niki niki niki... Keliput dening rase lulut Kapitresnan ide sahe kaiket dening satyeng Sane semaya satyeng laki pati brata, ngamed ngamed wong pawesti listu ayu sekar natah duwe saking puri ............ , sane meparab........... Kaputra raris antuk ide agung ngurah......... Saking ibun ide meparab......, sekadi asapunike.
pemuput atur
Inggih ide dane pare uleman sareng sami sane dahat mustikayang titiang. Mejanten sampun sangkaning piranti kara kalih puji pengrastitin ide dane sareng sami, manut prayojana tatujon titiang sampun praside medaging, sampun praside puput labda karya side sidaning don, sane mangkin mangde titiang kebaos maburon alas manjangang atur.
Semalihe sampun tambis tambis lintang parwata ida sang hyang baskara dipati, sane mangkin sampun cumawis, galah, kaladesa, panemayang tityang pacang ngaturin ide dane sareng sami, nyita-nyita rayunan tarpana boga samatra makayasa kertining yadnya wiwaha sang askara puniki, kirang langkung tuna luwih doh ring sang sane mewasta sampurna antuk tityang masoda, sangkaning wahya diaket manah tityang ngelungsur geng rene pengampura, inggih kadi asapunike prasida aturin tityang ngewentenang pengening ngening penyuagatra atur, mungguhing genah sane pacang kaatur, inggih punika ring saren dangin wenten asiki, ring saren tengah wenten malih siki, sane mangkin durus ngadeg sareng sami.
Inggih makawasananing atur puputin titiang antuk parama santhi, om Santih Santih, Santih Om
Jembrana jati luwih batur lempuyang, kirang langkung tuna luwih atur titiang ampurayang
Негізгі бет viral Teknik singkat jadi juru raos adat hindu untuk pengaksaman sambutan pawiwahan ( PAK DE KOH )
No video
Пікірлер: 161