我覺得揸電單車係揸彎位先好玩,而且啲彎位轉得好,就系真真正正叫技術。直線飛車,盲嘅都得啦。喺自己心目中咁咪好型囉,旁觀者睇住你左右插,就覺得你唔識寫個死字啦。我最近先開始揸電單車(Kawasaki Z650 2020),從來冇揸過入高速,唔係唔揸,而係冇興趣揸。一路都係走大路至到80 km/h,走山路轉細彎或者中彎係好爽,不過轉大彎180度就真係有難度,尤其是係要應付反方向嘅車輛,因為經常過界。就係因為啲人以為自己好叻開好快,所以過曬界,根本就證明到呢啲人嘅駕駛技術,係絕對 out of control,真係好危險。
Пікірлер: 191