發哥夫婦愛平民港式生活,除因拍戲四圍飛,兩公婆最愛流連九龍城,九龍城簡直係發嫂半個鄉下,行出行入都大量街坊跟她「集郵」,而她最愛吃地道小食。
發嫂就帶《蘋果》去九龍城掃街,一於由街頭食到街尾,實行跟發嫂搵食,兼見識她的「吃貨」威力,短短一條侯王道,個幾鐘內食足7餐,難怪發嫂事前叫攝製同事留肚。
第一站,先去「炭燒」港式串燒點,點了沙爹燒賣、燒雞、雞翼、燒叉燒同燴魷魚。
第二站,再去「聯發茶餐廳」點叉燒蛋飯
第三站,再踩落「坤記牛腩」,發嫂就爆料發哥鍾意食牛肉麵,發嫂當日就點撈河粉、淨魚蛋同咖哩牛腩河。
第四站,去「酥妃皇后」掃蛋撻。
第五站,去「唯豐潮洲食品公司」再食魚蛋。
問到發嫂是否愛掃平民美食,她笑言:「好鍾意,成日周街掃,乜都食無節制,食多啲burn多啲,平時自己肚餓落嚟,唔係就同發哥嚟,最鍾意食魚蛋,淨間食蛋撻,發哥最鍾意叫隔離舖嘅叉燒蛋飯,幾正加洋蔥,加個汁先好食,做運動都要補充。」發嫂一路食,一路笑:「死啦,真係死好多。」講到同發哥撐枱腳邊個找數,發嫂笑言成日賒數:「叫老闆欠人錢先,我成日周街欠人錢,有一次周潤發同我講,新年喇,新年唔好爭人嘅數,所以我叫佢即刻載我落嚟,走幾個單位去找數。」
食完撈河、串燒同叉燒飯,發嫂就帶隊去買蛋撻,更幫手sell榴槤月餅,又問大肚店員幾時生得,問到發嫂平時都幫手sell客,她笑言:「同佢哋好開心o架,好似一家人,咁至開心。」買了一打蛋撻,發嫂穿過街市去買魚蛋食,原來店主的小朋友是她契仔,發嫂見到契仔即入舖攬住錫錫傾密計。
Негізгі бет 【我老公係發哥】貼地掃街食平民嘢 發嫂:我爭落周身街數
Пікірлер: 22