سلام الله سلامً يا سليم اسليم ابن منصور
سلامً يبلغ الحضّار والقاصين والداني
على شيوخ وقروم رجال عزً والصقور صقور
سليم اللي في مضيها تعز الضيف والعاني
وفي الحاضر سنا مجد ضياه يشع منه النور
هم ابناء قيس عيلان القروم تزبن الجاني
عنينا للكريم ابن الكريم الوافي المذكور
بقولت نعم كاسبها خليل في كل ميداني
نهنيه ونبرك له عسى عمره فرح وسرور
تخير بالنسب فيصل شجيع ونسل شجعاني
جزيل الجد حامي حد من قومً طوال شبور
زحول رجال ثقل جبال تروي رمح وسناني
كسب سيفً معريب اجداد في نحر العدا مشهور
خليل اللي يعز الضيف حيا ما تعداني
ولد عود ورث جزل الفعل يوم الدهور دهور
سفر جزل اليمين معرب الجدان لاهاني
تشيد له سماء الامجاد مجد بطالته معمور
الا ياحي من يكسب نعم يا حي ذالباني
من الاد المعرب مصلح اللي خصمهم مدحور
هل الطلات ما لـ الضيف وسط حلالهم شاني
هل الخيل الاصيل كاسبين الزود يوم الجور
على الطاغي تزيد وعندهم للعدل ميزاني
وحنا من ثقيف اللي نبانا بالنعم مشهور
ثقيف اهل الثلاث البيض صرحً جزل الاركاني
عرب الساس ياصرحً مشيد بالفعل والنور
فعل يمنا جزيله في منار العلم تنصاني
ونعم بكل لابه ماعلى قوم الجزال قصور
اقوله والعروبه خالده في دم شرياني
نعيش بعز في ضل الجزيل العاهل المنصور
ملكنا يا ملكنا يامليك العدل سلماني
يابو منهو يقود المملكه للمجد بالدستور
ودستوره في دار المملكه سنه وقراني
محمد يا محمد والشعر يكتب بوحي شعور
عليه بالحرام انك فخر في كل الاوطاني
يابو سلمان يا سمح المحيا يا حكيم الشور
ترا شعبك معك للعز بالارواح متفاني
مدحك الفعل ولا الشعر لو نكتب بدم يفور
غلاك اكبر من الاشعار في صدري ووجداني
اقوله والشعر له في حلال الغانمين حضور
هجوسي جابت الجزله وانا صح الله لساني
الشاعر : رامي بن عبيد السفياني
#اكسبلور #السعودية #شعر #شيلات #مجرور #يوتيوب
Негізгі бет وحنا من ثقيف اللي نبانا بالنعم مشهور- مجرور قبيلة سليم
Пікірлер