රසම රස වම්බොටු මෝජුවක් නිවැරදිව රසට හරියටම හදා ගන්න මේ වීඩියෝ එක අනුගමනය කරන්න.
Today you can learn how to make brinjal moju (wambatu moju) sinhala in sri lanka style.
අවශ්ය ද්රව්ය:
වම්බටු 500g
රතු ළූණු 250g
අමු මිරිස් 100g
හාල් මැස්සෝ 100g
කරපිංචා ඉත්තක්
සුදු ළූණු බික් 3-4
පොඩි ඉගුරු කෑල්ලක්
විනාකිරි මේස හැදි 3
අබ කුඩු තේ හැදි 2
කහ කුඩු තේ හැදි 1
මිරිස් කුඩු තේ හැදි 1
සීනි මේස හැදි 2
ලුණු කුඩු තේ හැදි 1
පොල් තෙල් (බැද ගැනීමට අවශ්ය පමණ)
සාදාගන්නා ආකාරය:
මුලින්ම වම්බටු සෝදාලා අගල් 2ක් විතර දිග අගල් බාගයක් විතර හීනි පොඩි තීරු වලට කපලා කහ වතුරේ දාලා පැත්තකින් තියාගන්න.
ඊට පස්සේ රතු ළූණු හෝදලා සුද්ද කරගන්න.
හාල් මැස්සොත් ඔළු කඩලා හෝදලා වතුර බේරෙන්න තියන්න.
අමු මිරිස් දිග අතට මැදින් දෙකට පලාගන්න. කරල නැට්ට ලගින් එකතුවෙලා තියෙන විදියට.
සුදු ළූණු , ඉගුරු හොඳට තලලා තලපයක් (Paste එකක්) හදාගන්න.
දැන් වම්බටු ටික වතුර මිරිකලා අරගෙන ගැඹුරු තෙලේ රන්වන් පාට වෙනතුරු බැදගන්න. බැදගත්තට පස්සෙ වම්බටු වල තෙල් ටික අයින් වෙන්න ඒ ටික ටිශූ කඩදාසියක (Tissue paper) තියන්න.
රතු ළූණු ගෙඩි ටිකත් ගැඹුරු තෙලේ විනාඩියක් විතර බැදලා තෙල් ටික අයින් වෙන්න ටිශූ කඩදාසියක තියන්න.
ඒ වගේම දිග අතට කපපු අමු මිරිසුත් ගැඹුරු තෙලේ තත්පර 45 ක් විතර බැදලා තෙල් ටික අයින් වෙන්න ටිශූ කඩදාසියක තියන්න.
කරපිංචා කොළ ටිකත් වෙන්කරලා ගැඹුරු තෙලේ තත්පර 30 ක් විතර බැදලා තෙල් ටික අයින් වෙන්න ටිශූ කඩදාසියක තියන්න.
අන්තිමට හාල්මැස්සන් ටිකත් හොඳට ගැඹුරු තෙලේ බැදලා තෙල් ටික අයින් වෙන්න ටිශූ කඩදාසියක තියන්න.
දැන් ටික්ක ලොකු (ඇලුමිනියම් නොවෙන) භාජනයක් ලිපේ තියලා ඒකට විනාකිරි දාලා රත්වීගෙන එනකොට ඉගුරු සුදු ළූණු තලපය (Paste එක), අබ කුඩු, මිරිස් කුඩු, සීනි, ලුණු කුඩු එකතුකරලා හොඳට හැදිගාන්න.
දැන් ඒ මිශ්රණයට අපි කලින් බැදගත්ත වම්බටු, රතු ළූණු, අමු මිරිස්, කරපිංචා, හාල් මැස්සන් එකතු කරලා තත්පර 30ක් වගේ විනාකිරෙන් තැම්බෙනකන් කලවම් කරලා ලිපෙන් බාගන්න.
නිවුනාට පස්සේ හුලන් නොවදින විදිහට වීදුරු බෝතලයකට වගේ දාලා තියාගත්තොත් සති 3ක් විතර තියාගෙන කන්න පුළුවන්.
වැදගත්:
නිර්මාංශ අයට හාල් මැස්සෝ නොදා මේක හදාගන්න පුළුවන්.
සමහරු කරපිංචා දාන්නේ නැතුවත් මෝජු හදනවා.
වීදුරු බෝතලයකට නැත්තම් මැටි මුට්ටියකට හරි, මැටි වලදකට හරි දාලා කට ආවරණය කරලාත් කල් තියාගන්න පුළුවන්.
ඇලුමිනියම් භාජන වල නම් මෝජු දාන එක සුදුසු නෑ. මොකද විනාකිරි එක්ක රසායනික ප්රතික්රියා කරන්න ඉඩ තියෙන නිසා.
සීනි, ලුණු රස අනුව අඩු වැඩි කරගන්න පුළුවන්.
වම්බටු බදින්න කිට්ටුකරලා ඉක්මනින් කපාගන්නවා නම් කහ වතුරේ දාන්න අවශ්ය නෑ
තක්කලි සොස් .අඹ චට්නි.අබ ක්රිම්.එකතුකරගන්න .රට ඉදි විනකිරෙන් පෙගෙන්න තියල දියකරගන කලවම් කරගන්න
Негізгі бет වම්බටු මෝජු රසට ඉක්මනින් හදන හැටි - WAMBATU MOJU | BRINJAL MOJU |
No video
Пікірлер: 401