ඩොලර් කඩන වැල වේලෙන්න හරින කෘෂි නිලධාරින් ,ගොවින් ජනපතිට කිව්ව අමුතු කතාව
(දඹුල්ල කාංචන කුමාර ආරියදාස)
2021.10.26
ලංකාවට ඩොලර් ගෙන්වා දෙන වැල් දොඩම් වගාව කාබනිකව කරන හැටි කියාදෙන්නැයි ගොවින් රජයෙන් ඉල්ලයි .
මග හරින කෘෂි නිලධාරීන්ට උපදෙස් දෙන්නැයි ජනපතිගෙන් ඉල්ලයි .
රජයේ ආධාර යටතේ වැල් දොඩම් වගාවේ නිරත වූ ගොවි පවුල් දෙසීයක් පමණ දෙනා තම වගාවට කාබනික පොහොර යොදන ආකාරය කියා දෙන්නැයි කෘෂිකර්ම බලධාරීන්ගෙන් ඉල්ලා සිටිති.
කාලයක් තිස්සේ මෙරටට පලතුරු වගාවෙන් ඩොලර් උපයා දුන් මෙම වැල් දොඩම් වගා කරුවන්ට සිය වගාවන් වලින් සාරවත් අස්වැන්නක් ලබා ගැනීමට නොහැකි තත්ත්වයක පත්ව ඇත්තේ කාබනික වගාව පොහොර වර්ග වැල්දොඩම් වගාවට යොදන ආකාරය ගොවීන් නොදන්නා නිසාවෙන් බව ගලේවෙල බඹරගස්වැව ප්රදේශයේ පදිංචි වැල් දොඩම් වගා කරුවෝ පවසති
ගලේවෙල බඹරගස්වැව ආදී ප්රදේශ රැසක රජය විසින් නොමිලේ සියලු පහසුකම් ලබාදී ලංකාවට ඩොලර් ඉපයීමේ වගාවක් ලෙස වැල් දොඩම් වගාව හඳුන්වා දී තිබිණි.
ඒ අනුව අක්කර ගණනාවක් ගොවියන් දෙසියයක් පමණ දෙනා සංවිධානාත්මකව වැල්දොඩම් වගාව ආරම්භ කොට වසර කිහිපයක් ගත වී තිබේ .මෙම වැල් දොඩම් වගා කරන ගොවීන් කියා සිටින්නේ තමන්ට රසායනික පොහොර යොදා වැල්දොඩම් නිෂ්පාදනය කරන හැටි කෘෂිකර්ම බලධාරීන් විසින් දැනුවත් කොට පුහුණුවීම් කර ඇති බවය.
රසායනික ද්රව්ය පවා නළ මාර්ගයෙන් ගස් මුල්වලට ලබාදීම් සිදු කරන බව ද ගොවීන් පෙන්වා දෙති .රසායනික පොහොර හිග වීමත් සමග තම වගාවන් වල පලදාව සියයට 90කින් පමණ පහත් වැටී ලංකාවට ලැබෙන ඩොලර් පවා නැත්තටම නැති වී ගිය බව ගොවීන් පවසති.
ගලේවෙල ප්රදේශයේ වැල් දොඩම් වගා කරුවන් ජනාධිපති ගෝඨාභය රාජපක්ෂ මහතාගෙන් ඉල්ලා සිටින්නේ වහාම කෘෂිකර්ම නිලධාරීන් දැනුවත් කොට තමන් ලංකාවට ඩොලර් ගෙන්වා දීමට සූදානම් කර ඇති වගාව සම්බන්ධයෙන් සොයාබලා කාබනික වගාවට මෙම වගාවන් හුරු කරන ක්රමවේදය පිළිබඳව තමන්ව දැනුවත් කිරීමට උපදෙස් ලබා දෙන ලෙසය.
මේ වන විට රසායනික පොහොර යෙදීම්ට නොහැකි වූ වැල් දොඩම් වගාව විනාශවෙමින් මල් හට හට ගැනීමකින් තොරව ගෙඩි හට ගැනීමකින් තොරව පත්ර කහ වී වැල් පමණක් පවතින බව වැල්දොඩම් වගාකරුවෝ පෙන්වා දෙති.
එහෙත් ඉතා සූක්ෂම ලෙස රහසිගතව ගලේවෙල ප්රදේශ්යේ වැල් දොඩම් වගා කරුවන්ට රසායනික පොහොර මිටියක් රුපියල් 7000 ක මුදලකට අලෙවි කරන ක්රියාවලිය යටතේ මුදල් ඇති ගොවීන් එම පොහොර ලබාගෙන තම වගාවන් යම් මට්ටමකින් සරුකර ගන්නා බවද ඔවුහු පවසති.
එම රසායනික පොහොර යෙදූ වැල් දොඩම් වගාව පෙන්වන ගොවීන් කියා සිටියේ රුපියල් 7000ක කලුකඩ මුදලාලිලාගෙන් වැඩි මිලට පොහොර ලබාගෙන තම වගාව යම් මට්ටමකින් සාර්ථක කර ගෙන ඇති බව ය
කාබන්කාබනික වගා ක්රම්ය සඳහා සූදානම්ව සිටින මෙරට ඩොලර් උපයාදෙන වැල්දොඩම් ගොවීන්ගේ මෙම ඉල්ලීම පිළිබඳව කෘෂිකර්ම බලධාරීන්ගේ කඩිනම් අවධානය යොමුවිය යුතුව තිබේ.
වෙනත් ගොවීන් කාබනික පොහොර ප්රතික්ෂේප කරමින් රසායනික පොහොර ඉල්ලා රටපුරා අරගල කරද්දී වැල් දොඩම් වගා කරුවෝ තම ගොවිපළේ සිට විදේශ විනිමය උපයාදීම සඳහා කාබනික පොහොර වගාවට යොදන හැටි කියා දෙන්නැයි ඉල්ලා අරගලයක නිරත වීම පිළිබඳව වරක් නොව දෙවරක් රජය සිතා බැලිය යුතු නොවේදැයි අපටද පසක් වූයේ මෙම වැල්දොඩම් වගාවේ සාර්ථකත්වය පිළිබඳව එම ගොවීන් පෙන්වා දෙන විටදීය.
ඒක වැල් දොඩම් කොටුවකින් එක ගොවියෙකු මාස කිහිපයක් යද්දී රුපියල් ලක්ෂ හතක් ලක්ෂ 10ත් අතර ඉහළ ආදායමක් ලබන බවත් ඒවා විදේශ රටවලින් මිලදී ගැනීම් සිදුවන බවත් ඒ සඳහා ලංකාවට විශාල ඩොලර් ලැබෙන බවද විදේශ රටවල මෙරට වැල් දොඩම් වලට පවතින ඉල්ලුම ඉතා ඉහළ බව ද වැල් දොඩම් වගා කරුවෝ අවධාරණය කරති.
Негізгі бет Тәжірибелік нұсқаулар және стиль wel dodam galewela ඩොලර් කඩන වැල වේලෙන්න හරින කෘෂි නිලධාරින් ,ගොවින් ජනපතිට කිව්ව අමුතු කතාව
Пікірлер: 8