1, BAKANG Modimo, Morena, Ikokobetseng go êna Motlhodi wa tsotlhe; O botlhle, o molemô, O thata, ke Ratshiamô Popô e mo tlotlê. 2, Tumisang Modimo Morwa, Yo re bileng ra mo tlhora Ka dibe tsa rona; Lotlhe ba lo rekolotsweng, Tlotlang kwana e' re swetseng, Ke kgosi ya lona. 3, Tumisang Modimo Môwa, Ka ôna re ka tsamaya Tseleng ya botshelô; Oa re gôga, oa re bontsha, Oa kgabisa, oa gomosa, O tlotleng ka pelo. 4, Bakang, lona magodimô Sephiri sa Bomodimo; Rara, Morwa, Môwa, Oa galalêla gararo; O tlotleng bana ba batho Ka dialleluja. Amen.
Пікірлер: 14