拍攝位置西九龍中心
西九龍中心係長沙灣及深水埗區之中最大型嘅商場,舖頭種類繁多,酒樓、超市、日常用品、衫褲鞋襪、家電、應有盡有。甚至年輕人喜歡嘅格仔舖、貼紙相舖頭、扭蛋機舖頭都有。當然food court,代幣遊樂場一定唔少得。而八樓甚至有溜冰場。而好多年前,甚至有香港首個及當時唯一嘅室內過山車。
一開始就俾你望一望那傳說中嘅過山車,之後就係Skyrink溜冰場,嗰三把大型嘅風扇真係好壯觀,相信香港都冇乜地方有呢啲超大型風扇(知道邊度仲有嘅話不妨留言話俾我聽,我都想去睇睇)。
天龍過山車喺商場開幕嘅1994年去到2003年營運,之後就冇再運作了。今次就由鏡頭帶你哋沿着天龍行走嘅軌跡走一轉。
0308新手可以觸及過山車路軌嘅底部,可見路軌與人之間的距離係非常之近,亦都可以幻想得到當時過山車運作嘅時候無論車廂及商場內嘅人都會非常震撼。而過山車嘅賣點就係過山車會穿出8樓高嘅商場頂部中庭,向下望嘅感覺應該
係最震撼。
0445亦都試吓帶你向下望嘅感覺。
0540就開始帶你行一行西九龍中心food court
部份一式一樣嘅舖頭已經喺一至七樓出現,呢度嘅food court好多時都係一啲小舖經營,當然銀咖喱、share tea呢啲大路嘅food court舖頭都仍然會出現。但係整體嘅價錢都非常相宜,當時大約下午3時 ,可以見到人流仍然非常之多。車仔麵、米線、飲品、甜品、咖喱、三餸飯、壽司等等等等,差唔多諗到嘅呢度都有。至於邊樣好食,相信你要喺出發之前上網再睇睇。
至於地下到7樓嘅環境,你就自己去行下啦~~
2023Nov
#深水埗 #長沙灣 #Dragon Centre #西九龍中心 #Skyrink #飛龍冰上樂園 #風扇 #超大型風扇 #天龍過山車 #室內過山車 #路軌 #商場頂部 #望穿中庭 #食肆 #超市 #酒樓 #美食廣場 #甜品 #米線 #兩餸飯 #人流 #奇趣天地 #歡樂天地(前身) #框框
*如果有邊度想去,留言話我知啦,未敢應承一定去,但會盡量安排。
Негізгі бет 西九龍中心8樓~玩樂與Food Court
Пікірлер