This video is not sponsored.
-
|✨洗碗機一星期實測報告🥣💦|
雖然洗碗機被堪稱為家庭和諧號
不過坦白講,其實我結咗婚之後好似印象中從來都冇試過因為洗碗而發生過衝突
咁其實點解無啦啦會買洗碗機呢?
是咁的,事關我最近好鍾情於一個台灣嘅youtuber
有一日無意中睇到一條片,係講關於佢同佢阿媽辯論關於屋企需唔需要買洗碗機。
本來我從來都冇諗過屋企係需要買洗碗機,但係聽完佢同阿媽之間嘅討論之後,就覺得佢都講得幾有道理,論點如下:
1. 洗碗每日大約需要用最少30分鐘,七日就三個半鐘,一年加埋就係數唔到咁多嘅時間。香港人已經好忙,如果可以慳返洗碗嘅時間,做更有意義嘅嘢,感覺都好值得。 [雖然唔係真係日日都煮飯,不過有時煮得豐富,洗碗都要接近45mins至一個鐘,甚至更長🙈)
2. 慳水慳電。雖然洗碗機係一部電器,不過其實有時遇到啲比較油嘅碗碟,又或者冬天,其實我哋都會開熱水嚟洗碗,一樣有能源消耗。同一時間,其實每次洗碗,如果我哋都係開着水喉係咁沖,其實消耗非常大量嘅水,我而家用緊呢個洗碗機只係需要用5公升嘅水,已經可以洗到非常多嘅碗碟,慳水之選。(其實我屋企廚房水龍頭冇熱水,其實冬天真係非常之難洗碗,洗極都仲係油立立)
3. 既然我哋相信洗衣機,點解唔相信洗碗機?而家嘅洗碗機已經可以洗得好乾淨,如果唔係好似我咁將焗盤都格硬塞入去,其實我相信絕大部份時候都可以洗得非常乾淨,而且一定俾人手洗得更加乾淨。
4. 有人話放入洗碗機之前都要清咗啲大嘅垃圾,不過呢樣其實我平時洗碗都會做,除非真係超級多汁,基本上我都係一次過塞晒入部洗碗機度。
洗碗機缺點與限制:
1. 大型廚具、或者有塗層的廚具用品、木製產品等等都未必適合放落洗碗機,一樣係要用手洗,不過其實都已經慳咗大半嘅時間。
2. 比手洗慢,不過其實洗緊碗嘅時候你可以做其他嘢,一般來講唔係好頑固嘅油漬,29分鐘快速模式已經洗完。
3. 佔的位置多,除非廚房有返咁上下大細,如果唔係都幾難容納到一部洗碗機,特別上面仲唔可以有層板,因為你有機會要喺上面注水,同一時間上面都係烘乾碗嘅換氣口,唔可以封咗佢。我今次都用咗一啲時間將全個廚房重新擺位,先可以free到足夠空間放洗碗機,不過我覺得係值得嘅。
Disclaimer: 呢篇唔係廣告,因為我自己想試吓用洗碗機,但係都擔心唔適合自己用,又或者玩一兩個星期已經唔再用,所以我今次係上網買二手(上手只用過1次,未過保養)價錢大約係正價40-50%,萬一用落真係唔適合, trade出去都唔會蝕太多。不過我知好多人係完美主義者,咁你真係要考慮清楚,我都唔希望你買咗返屋企之後,點知唔啱用,又或者你嫌佢使得唔夠乾淨,甚至我有聽過有人會自己簡單洗一次🙈,之後先將碗碟放落洗碗機,因為有潔癖。所以,買任何嘢之前,請考慮自己嘅需要同要求先好購物。
唔好比我燒到🤪
為左地球著想,NO impulse buying.
如果有任何問題,歡迎留言或於ig DM.
#dishwashing #洗碗機 #實測 #和諧號
-
|Instagram|
心理輔導員/指紋性格分析師: / saltandvinegar.cr
Негізгі бет 洗碗機用後感|Rasonic 樂信座檯式洗碗碟機RDW-J6
No video
Пікірлер: 26