終於拍介紹食物片啦!😺
「晚市禁堂食下所有餐廳都剩係開到六點,咁住酒店個時點算?」呢個問題相信唔少人都會遇到,特別係大時大節,緊係想坐得舒舒服服咁食啦。咁啱我自己本身平安夜就訂咗Renaissance嘅Studio Suite,而Renaissance又做緊In Room Dining 6折,咁就緊係要試吓啦。至於好唔好食?唔想被劇透嘅麻煩睇到呢到就好,睇完片再睇下文...
-
其實Elite Member講酒店嘢食唔好食係真係好尷尬,香港酒店界咁細,之後仲要去住咁多次,平時唔多唔少又受到酒店關照,咁樣講我係真心覺得唔好意思,所以喺到容許我幫酒店講番幾句好說話。個晚係平安夜,咁多人落單整得無平時咁好食係好正常嘅事,佢一個鐘內送到其實係要讚佢整得好快。而我朋友喺深夜嗌嘅All Day Breakfast佢就話好好食,所以我諗可能真係唔多唔少都關事。或者其實大家都可以比次機會佢...?點都好,住萬麗係好抵同好正嘅,我上次讚呢間酒店都係真心架。
-
另外再補充番少少資訊先,Studio Suite我係早咗幾個月訂,平安夜個晚住用咗HK$3100,用之前講過嘅半價券畀錢,最終實數係連稅HK$1600。而片入面食物嘅價錢都係已經6折再+1。特別要講講嘅係加1係原價加1,本身唔知所以張單到個時有啲驚訝😹最終五樣食物加埋七百幾,比大家做個參考。
-
講完酒店又講吓我自己,真係唔好意思,第一次拍介紹食物嘅片真係好多地方可以再改善,大家有咩意見/建議都可以留言話比我知。同埋我好想知嘅就係大家鍾意字幕整咗係條片到好啲,定係整KZitem嘅CC字幕?個人嚟講整係片到好方便我,但我又想大家有開同閂字幕嘅選擇權利,畢竟總有人唔鍾意睇字幕想剩睇畫面架嘛?點都好,話我聽,我會根據大家嘅建議作改善🙌🏻。
-
Негізгі бет 🥂香港萬麗海景酒店Room Service六折 食物質素有冇伏!?Studio Suite小介紹🏠Renaissance Hong Kong Harbour View Hotel
Пікірлер: 43