En 1990 créase l'Asociación Cultural Banda de Gaites Candás (Carreño, Asturies), dedicada al estudiu, contribución y difusión de la cultura tradicional asturiana. El so principal oxetivu ye ayudar a incrementar el nivel cultural no referente al patrimoniu musical, folclóricu y tradicional d'Asturies.
La Banda de Gaites Candás, cunta anguaño con más de 30 músicos (ente gaites y percusión), y más de 30 escolinos que tán deprendiendo na Escuela de Música Tradicional. El repertoriu de la BGC, ta formáu básicamente por temes asturianos magar que tamién inclúi temes bretones, gallegos...
Anguaño Velu Muñiz ye'l direutor musical, (antiguamente'l maestru gaiteru yera José Angel Hevia), profesor de la Escuela de Gaites de Candás y direutor tamién de la Banda de Gaites Castrillón. El maestru de percusión ye Manuel A. Cordero.
El 2 d'agostu de 1997, la banda entamó un llabor qu'entá s'espeya nel Festival de Bandes de Gaites que tien llugar na villa, cuntando con formaciones de bandes de tol Arcu Atlánticu Celta. Esti festival celébrase tolos años y ta declaráu d'Interes Turisticu Rexonal dende l'añu 2013.
La banda lleva percorrío dellos llugares del mundu; Italia, Bélxica, Bretaña, Portugal, Irlanda, Arxentina, Uruguái o Palestina, La Plata, Buenos Aires, Rosario, Santa Fe y Paraná n'Arxentina, Montevideo n'Uruguay.
Premios:
*Campeones d'Asturies nel III Campeonatu Nacional de Bandes de Gaites Asturianes
*Campeones na 1a Fase de la XIV Liga Gallega de Bandes de Gaites nel so 1u grau. Foi la primer banda asturiana en competir nel 1u grau de la Liga Gallega de Bandes de Gaites
Campeones nel 1u Grau del Campeonatu de Bandes de Gaites de la XXIV Edición del Festival del Gaiteru de Sotuelo (Pontevedra 2003).
*Campeones na XXI Liga Galega de Bandas de Gaitas 2011 (Subcampeona nel añu 2012)
*Premiu AMAS 2015 (Anuariu de la Musica d'Asturies) nel apartáu de gaita.
Perdónar pola Calidá del video
Негізгі бет XIX Festival de Bandes de Gaites Villa de Candás- Banda Gaites Candás
Пікірлер