Söz: İslam Səfərli
Mus: Qənbər Hüseynli
Gilənar qızardı, ağ tut sovuşdu,
Payını dərmədim, budaqda qaldı.
Hamı könül verib yara qovuşdu,
Bəs bizim toyumuz nə vaxta qaldı?
Ay gözəl, nə vaxta qaldı?
Qönçələr açılıb, gülür çəmən, düz...
Hər axşam tarladan qayıdanda biz,
Yoxsa, o, “sevirəm” söylədiyin söz,
Düşərək mərcan tək bulaqda qaldı?
Ay gözəl, bulaqda qaldı?
Göyləri ay gəzir, hava bürkülü,
Eyvanda durmuşam boynu bükülü.
Yoxsa, eşqimizin sona bülbülü
Uçub yol üstdəki qovaqda qaldı?..
Ay gözəl, qovaqda qaldı?
Əzəldən gözəldir boyun, qamətin,
Olsa da qəlbini ovlamaq çətin.
Gözəl qız, bil ki, bu saf məhəbbətin
Ürəkdə yurd salıb, dodaqda qaldı.
Ay gözəl, dodaqda qaldı.
➤ KZitem Kanalımız: / kepeztv
➤ "ARB Kəpəz"-in rəsmi internet səhifəsi: www.kepeztv.az
➤ "ARB Kəpəz" (LIVE): www.kepeztv.az/canli
➤ "Kəpəz FM"-in rəsmi internet səhifəsi: www.kepezfm.az
➤ "Kəpəz FM" (LIVE): www.kepezfm.az/radio.html
➤ Facebook: goo.gl/r2ncUC
➤ Instagram: goo.gl/9CsAzE
Негізгі бет Ойын-сауық Xuraman Şuşalı - Nə Vaxta Qaldı
Пікірлер: 6