新賣肉養孤兒 主唱:楊麗紅 / 梁玉嶸
曲:古曲 詞:蔡衍棻 編:周熾楷
旦唱:郎在歡心處 妾在斷腸時
委曲心情有月知 相逢不易分離易
棄婦如今悔恨遲 君憶否當日鳳凰欣比翅
又記否蝶負恩情過別枝 又憶否舊愛已無歸宿處
又念否有娘無父一孤兒
唉君呀 你又知否我久病成癆 不久會為你傷心死
生唱:唉媽媽今趟病到深之處 弊咯呢一次
唉媽媽今趟病到深之處 弊咯呢一次
呢佢亂說亂說言詞 彷彿心神心神都亂矣
點得親娘親娘早日癒 我帶淚暗禱天地
願娘親早脫病危 媽媽快些百病除
我持齋且禮祀 誠心不移
此刻我 唉見媽媽 媽媽佢力竭暗淚垂
哀叫聲痛心痛心裂肺 令我亦淚垂
安慰她 我心更苦亦無詞 只有袖手茫無計
旦唱:此人心黑透 我怎能不呀恨之
更悔我枉心痴 怨怨怨郎心全負矣咯
卑鄙卑鄙至極 世上亦難容
我死為鬼時也要將你撕碎
生白:媽 你指住我鬧做咩啫媽
旦白:我搵到你啦
旦唱;估不到天涯海角 亦有相會之期
我怒火如焚 誓要把你個薄倖郎咬死
生白:哎吔 媽 你咪追住我咬得架 我係你鵬兒嚟架媽
旦唱:哦
旦唱:又只見鵬兒帶淚 乖仔企在我身邊嚟 忍不住老淚交流
生白:媽 你做咩啫媽
旦白:仔呀
旦唱:只為我有滿懷冤屈氣呀
生白:唉 媽
生唱:媽你近年來 忽喜忽呀悲
忽啼忽呀笑 早已惹起我大大思疑
莫不...是 我工務繁忙 又未得晨昏常奉侍
旦白:唔係
生唱:莫不是撲素生涯親不樂 衣無錦綉食...無魚
我呢個不孝鵬兒 實在寢食難安
還望娘親呀訓示
旦唱:叫親兒你當無旁慮 更莫心有...思疑
只懇求還我病榻安寧 你速離此處
我病體勞瘁 藥石難求似臨絕地
有子空奉侍 亦也無濟事
只有聽之任之 或靠神明扶我起
求那一息安 求你休唏噓
我幽幽靜靜 寧神靜氣好自處
生唱:我聽娘言聽娘語 所言甚是
無奈兒卻 難依
寸草心呀 未報劬勞
病榻難離何忍而去
旦唱:知兒心 知兒意
魚兒飲水 為娘冷暖 自知
生白:啊 可惜我哋爸爸佢死咗啫
旦白:吓 如果你爸爸响處又點呀
生白:若果响處嘅
咁媽媽你涼涼熱熱都有個人知囉
旦唱:啊 一言挑起傷心處
嗰個薄倖郎 佢何曾死
一樣眠花宿柳在於海外棲遲
生唱:聽衷詞 真奇異
甚麼眠花宿柳 甚麼海外棲遲
莫不是我父尤生 媽媽我未明所以
旦唱:淒淒楚楚從前事
愁愁怨怨 都已經過了十八 年時
生白:媽 你咪咁傷心啦媽
生唱:哀哀愁苦味 十八年餘
孩兒心底倩誰知 難敘天倫孝道虧
思親常有淚 未知到何時
始歇住矣 望娘細細告子知
旦唱:流一淚 訴一詞
那堪回首少年時 薄命偏逢輕薄子
嗰個係誰人你可知... 香衾未暖情先已
生白:哦 嗰個係邊個嚟架媽
旦白:佢呀
旦唱:就是你個無情生父 忍心遺下你呢個小孤兒
獨抱小孤兒 苦處沒靠倚
色相生涯路 漫無邊 幾許苦累
花街賣笑背人垂淚 為養親兒
不教受寒饑 染癆病疾已近死
今日親子泣對 細訴前事
鳥兒鳥兒 於今你十八歲囉
始知其父 嘆何如
生白:慘聽親娘恨訴 可哀復可悲
我聞娘語 惹悲思
空餘母子 淚交頤
怪道親情 無比拟
從來母愛比春暉 勸解親心呀
惟有同情兩字 應知今呀時雖苦
他日有甜時 但得嚴親能轉意呀
何愁不解 母心痴
媽你有病當求 方藥治
晨昏侍奉 自有呢個不肖孩兒呀...
旦唱:我想後思前...
生白:咪想咁多啦媽
旦唱:忽覺得魂飄無主...
生白:媽 你見點呀媽
旦唱:徒生世上只乞悲 魂歸世外棄濁世
淚眼相看 別矣孩兒
待再生 再作親母子
生白:媽 媽 媽
媽 咁你就死咗架啦
生唱:媽你忍令孩兒 孤苦…
媽 從此我浪蕩無依呀............
Негізгі бет Музыка 楊麗紅 / 梁玉嶸丨新賣肉養孤兒丨楊麗紅曲藝半世紀丨麗歌紅韻演唱會
Пікірлер: 11