| نسخك للمحتوى ، يُعرّض قناتك للشكوى والاقفال |
لإستماع العمل على كافة المنصات الموسيقية
KhalidAlmarri.lnk.to/FaxhMLSI
شيلة : طياره حربيه
كلمات : يحيى بن فالح السريحه الاحمري
اداء : خالد المري ( العذب )
تصميم : يزيد الحبابي YHQ_99
هندسة وتوزيع : استوديو صروح الفن
لمتابعة خالد المري ( العذب ) عبر وسائل التواصل الاجتماعي :
/ khaledal3thb : انستغرام
/ khalidal3thb : تويتر
_______
القصيده :
اقلعت قبل الفجر طيارةٍ حربيه
من مطار القاعده طيارها شهراني
قلت يا سداح وين ،، وقال عالحوثيه
تحت اوامر قايد جيوش العرب سلماني
حملته فل اوبشن اوبشن والذخيره حيه
وآخذ كليرنس برجه واشمر الذرعاني
وتلها تلت عقيد كل ما جاء هيه
من طناخة راسه يقول السماء ميداني
ويوم فج بها السماء وارتجت الارضيه
ماذكرت الا مواقف شامخ قحطاني
فيصل ابن مشرف اسمٍ سمعته مطليه
بالذهب والماس والياقوت والمرجاني
والنعم مليون تردف ذكره وطاريه
والنعم والمدح والله ما تجي مجاني
افحم شيوخ العرب خياله ورجليه
لين صار لكل طيب يستوي عنواني
هيلع شيّد على رجم الكرم علّيّه
باسط كف المكارم والكريم معاني
اطلق حجاج وطيب راس وابيض نيه
واسبق من الطير للموقف لاصار انساني
كعبة اللي طال به سقمه وذاق الكيه
عنده لسقم الزمن والوقت طبٍ ثاني
جحدريٍ لا نخيته غايتك مقضيه
تكبر بعينك وتصغر في يد كحيلاني
والمراجل تحت كفه تومر ومنهيه
وان ملك مايملك الا غالية الاثماني
مومن ان الخيل عز وهيبة محميه
تحت رايات ال مشرف مقدم الفرساني
واسم بوتركي لحاله قوة جبريه
والحزام عيال بوه المحزم العماني
لا اعتزى بالشيخ خالد تسلم الجنيه
وان تعزوى في سعد يسلم له الشيطاني
الشيوخ اهل الوجيه البيض والجاهيه
وآهل امجاد تغني عزها الركباني
ورث عود يعجز الشاعر مع قافيه
عن مديح اللي غدى ضيف على الرحماني
جعل ضيفك يالكريم اللي علا كرسيه
ابضيافتك الكريمه في فسيح جناني
راح شيخٍ ذكره وفعله وناره حيه
في قصور عامره ومشرعة بيباني
عان فيصل واحد فعله يعادل ميه
من حلاحيل الرجال الطُنّخ الشجعاني
سيف ابوخالد سمو العزوه المسميه
خيّل العوجى سيوف معزي السلطاني
سيدي فيصل زبون الكايده والعيّه
عزوتي ومعزبي ومعزب الشيخاني
والختام اجزل سلام صادق وتحيه
والصلاه اعلى النبي الهاشمي العدناني
Негізгі бет Музыка طيارةً حربيه - خالد المري ( العذب ) | حصرياً 2018
Пікірлер: 138