فى كيان فى حياتنا كونا و مبنشفهوش
أثر فى كلامنا و تفكرنا طبعا و اكييد
و ادينا اهو احنا كبرنا
تعاليمه غرست فى قلوبنا
مهما نسافر نبعد عنه حبنا ليه يزيد
و 11 سنة عدوا علينا و مفتش كتيير
و فضلنا نقول امتى تعدى بينا الأيام
فرحتى كتير و أهو جه دورنا
و معاكى هنكمل مشوارنا
و اليوم دا هيفضل فى قلوبنا ضد النسيان
انا فيكى بقالى سنين
بذرة بتتغرس فيكى
يعدى الوقت مش حسينين
منا متشال على اديكى
رسمنالك صورة فى بالنا
مبادءك ثابتة فى حياتنا
و بكرة هنمشى الطريق إلى قولتى عليه
كيانك جوة فى قلوبنا
و عشنا فيكى أيامنا
تعشى تربى أجيالنا سنيين و سنيين
سنة ورا سنة فى حياتنا عدت
عشنا فيها اجمل أيام
لمة شلة فى قاعدة حلوة نفتكر بها إلى كان
صحبتنا ليها احلى ذكرى
مهما تفوت بينا الأيام
محفور فى كيانى جملها دفعة أصيلة دا من زمان
2008 كانت بداية لشبل و زهرة صغيرين
اول ما دخلنا الكشافة كنا من الفرحة طارين
اختلفت ظروف حياتنا و لسة متجمعين
و إلى يقول عكس الكلام دا يبقى ميعرفش احنا مين
لكل فرد حكاية ... و منعرفش ليها نهاية
و حتى فى وسط تعبنا بنهون على بعض كتيير
هنكمل المشوار..من زهرة و شبل لقادة كبار
اللمة و الهزار.. 11 سنة و مكملين
لو كنت شفت بدايتى فى الكشافة من زمان
وانا شبل صغير أخاف برة البيت انام
محدش كان يصدق انى فى يوم من الايام
استحمى بالخرطوم و لوحدى ابنى خيام
و فى يوم اخدت النشطة و طلعت معسكر كبير
فيه الشبل ينام على الارض و الزهرة تنام على السرير
و اول كامب ليا طلعت انا ال 7 أيام
و البنات فى الاخر تيجى تحضر اليوم الاخير
معسكرات متقدم كانت كلها جنان
معسكر راس محمد و معسكر وادي الريان
يأما تموت عطشان يأما تنام جعان
ترجع منها محروق لا يمكن في الظلمه تبان
حكايتنا بداءت من زمان و احنا فى زهرات
و كبرت حبة حبة طول متعدي القطاعات
كونا لسة فى الأول شلل اتنانات
يدوب نعرف اسمينا و شوية معلومات
بدأت القصة ب 14 بنت بالتمام
فيه إلى سافر و اللي هاجر و اللي اختلف المكان
بس مش ناسينكوا مهما تمر الأيام
جوانا تاتو و جابى و ماريا فيليب كمان
مش نسيين محضرة الألوان وإحنا فى زهرات
و في المعسكر دوري مطبخ أحلي السهرات
و طلعنا رحله فجنن في فريق المرشدات
وخلوة كل سنة واحنا فى مقدمات
أيام المعسكر كنت شايفها شقي و أحزان
علشان مكنتش شايف نص الكوبايه المليان
شقي طلع دروس الأحزان قلبت ضحكات
و كل شدة و ضيقه اتحولت ذكرايات
و مهما كتبت ليكي او كترت في كلمات
مش هعرف أوصف فيكي أجمل الحكايات
علشان فيكي عشنا احلي سنين
يفضلوا في قلوبنا محفورين
اتعلمنا حاجات كتيره
ايام كانت سعيده
يفضل اسمك معانا سنين و سنين
Негізгі бет صيحة تخرج دفعة 2008 - كشافة كنيسة مارمرقس بشبرا
Пікірлер: 2