ياوجودي وجد طفل ذاق همه من سنينه
بانت همومه بوجهه مايعرف يكن همه
الليالي مروعاته بالهموم وبالغبينه
كلما هست عيونه صاح يمه وين يمه
راحو اهله صوب مكه وانكفو يم المدينه
من على هاك الطريق ابه المصيبه والمطمه
اعترض في دربهم موتر وحاصوا من يمينه
واصدموا هاك السياج وحولوا من فوق قمه
واحترق موترهم اللي من يشوفه شاب عينه
مات ابوه وماتت اخته ومات اخوه وماتت امه
علموا جده وطاح العود يصفق في يدينه
من علي خده دموعه غرقت جيبه وكمه
قالوا انا نبغي انصلي عليهم في المدينه
ياعسى ربي يجود برحمته والخير تمه
الولد لايدري وحنا محن معلمينه
خوف من جرح يجي في قلبه ويزداد سمه
كيف ورعن يفقد اخوانه ويفقد والدينه
كيف ينسى حضنها اللي من غثا الايام ضمه
الولد جالس مايدري زاد شكه عن يقينه
قاعد في بيت جده والعزا في بيت عمه
راح يلعب من ورى الورعان جا ورع سنينه
علمه بالعلم الاقشر زاد همه فوق غمه
راح يركض والدموع محدره في وجنتينه
صاح باعلي الصوت عمي جاه عمه ثم ضمه
قال عمي وين ابوي طالبك واخوي وينه
وينها امي وينها اختي طالبك قلي بذمه
قال عمه ياولد ماتوا بنبرات حزينه
الخبر في وسط صدره صاعقه في راس قمه
الولد مصدوم مايشعر ولَد بموق عينه
ماتحمل وقفته ثم طاح جا عمه وخمه
راح للدكتور والدكتور قال الله يعينه
حالته قشرا وبانت عقب ماحللت دمه
الولد من صدمته للحين ماحرك يدينه
وانطرم ماعاد يقدر ينطق الكلمه بفمه
اتوجد من وجوده عقب ماعود رهينه
للزمان الي يزمه للمصايب ويح زمه
مايشوف الا الهموم ولايشوف الا الغبينه
منوته يوم المنيه دام وقته مايهمه
شرهتي للوقت ابو جهين شابوا لايمينه
مايخص الا المصايب والبشاير ماتعمه
مايخص الا المصايب والبشاير ماتعمه
كلمات:نايف شالح الثبيتي
#شعر #توجد #قصيدة_توجد #ياوجودي #تصميمي #تصميم #ديوان_العرب #خواطر #بوح #ابيات #قصائد #قصايد #بيت_شعر #شعر #قصيد #قصيدة #شعراء #اشعار #ابيات_القصيد #ابداع
Негізгі бет ياوجودي وجد طفل ذاق همه كلمات:نايف شالح الثبيتي .. أداء: هزاع المهلكي تصميم: aal3med@
Пікірлер