亞洲超星團|練習生拍MV向曾志偉逗利是 丁子朗拉隊踩余宗遙家拜年
《亞洲超星團》練習生早前聚首一堂拍攝賀年MV,提早感受新年氣氛之餘,眾多小鮮肉熱情澎湃HIT爆錄影廠,當日雖然只係拍攝對嘴片段,但大家都表現得好專業,無論鏡頭前後都發放歡樂笑聲,保持住高漲嘅情緒。
黃奕斌(Hugo)好開心一大班人可以走埋一齊拍攝,大家都做出唔同嘅表情,好得意好有氣氛。而區珀豪就話缺少咗利是,唔係就會更熱鬧,丁子朗一聽到就話同曾生(曾志偉)反映吓,大家都希望逗到獎門人封利是,同時令張鎬濂疑團解開,因為佢一直都唔知區珀豪暗示緊邊位。
由受訓到比賽期間,香港代表因為經常一齊相處以及出席活動,感情相對特別好,余宗遙(DEZ)就歡迎大家去佢屋企拜年,丁子朗即示意拉隊踩場,DEZ為咗迎合節日,話唔介意小賭怡情。
而澳門代表江信熹及內地代表奧利、李權哲等都期待返家同家人過年逗利是,江信熹話澳門同香港過年傳統習俗差不多,氣氛都好熱鬧。而奧利就話最重要同家人食飯團年,然後收紅封包。當講到成為藝人後好多時都會派利是,現年只有23歲嘅李權哲就指自己暫時係《亞洲超星團》練習生,未算係藝人,身旁嘅兄弟即嘲笑佢係最成熟藝人,令佢一臉尷尬。
#亞洲超星團 #丁子朗 #黃奕斌 #區珀豪 #張鎬濂 #曾志偉 #余宗遙 #江信熹 #奧利 #李權哲 #逗利是 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
Негізгі бет 亞洲超星團|練習生拍MV向曾志偉逗利是 丁子朗拉隊踩余宗遙家拜年
No video
Пікірлер: 13