Yangi baholash tizimi amaldagi baholashdan qanday farq qiladi?
Shu paytgacha baholash jarayonida formativ va summativ baholash oʻrtasidagi chegara aniq belgilanmagan edi. Oʻquvchiga qoʻyilgan kundalik baho yigʻilib choraklik va yillik bahoni shakllantirishga xizmat qilgan.
Milliy oʻquv dasturi doirasida tayyorlanayotgan baholash tizimida esa formativ va summativ baholash chegarasi aniq belgilanadi. Oʻqituvchi oʻquvchilarni formativ shaklda baholab boraveradi va bu bahoga rasmiy tus berilmaydi. Oʻqituvchi buni oʻquvchilar qay darajada oʻzlashtirib borayotganligini aniqlab borish, shu asosida oʻquvchi va oʻz faoliyatini korreksiya qilish uchun amalga oshiradi. Formativ baholar summativ baholarni toʻplash uchun xizmat qilmaydi.
Endilikda summativ baholash asosan yilda bir marta, yilning oxirida Respublika taʼlim markazi tomonidan sinflar boʻyicha fanlar kesimida tayyorlab berilgan yagona baholash materiallari asosida oʻtkaziladi. Baholash uchun yagona material beriladi. Bitta imtihon uchun kimdir yozma ish, kimdir muqobil variantli test, kimdir ogʻzaki shakldagi savollardan foydalanmaydi. Yagona materiallar baholashdagi ʼʼtarozining pallalariniʼʼ yoki baholovchining ʼʼqarichlariniʼʼ tenglashtirilishi va subyektiv omillarni kamaytirishga xizmat qiladi.
MOʻD doirasida shakllantirilayotgan baholash tizimining yana bir ahamiyati, endi u aniq mezonlarga asoslangan baholash shakli ishlab chiqilmoqda. Shu paytgacha baholash jarayoni koʻpincha subyektivlik xarakteriga ega boʻlgan. Oʻqituvchi koʻpincha oʻquvchi qaysi bahoga loyiq kompetensiyani oʻzlashtirganiga qarab emas, sinfdagi boshqa oʻquvchilarning oʻzlashtirishiga solishtirish orqali baholagan edi. Endi esa summativ baholashda oʻquvchi berilgan vazifani qay darajada bajarganida unga 1 ball, qay darajada bajarganida 5 ball qoʻyilishi kerakligi, oʻquvchi har bir fan boʻyicha har oʻquv yilining oxirida nimalarni oʻzlashtirgan boʻlishi kerakligi aniq mezonlar asosida belgilab beriladi.
Respublika ta`lim markazi kanallariga obuna bo`lish:👇
Facebook: / ...
Instagram: / edurtm.uz...
Telegram: t.me/edurtm_uz
Негізгі бет Yangi baholash tizimi amaldagi baholashdan qanday farq qiladi?
Пікірлер: 12