#BirBax #nişi #Кацудзо #Ниши #КацудзоНиши
NİŞİNİN BEŞİNCİ QIZIL QAYDASI: əllərin və pəncələrin təması
Arxası üstə döşəməyə uzanın. Bərk yastığı boynunuzun altına qoyun.Pəncələri və əlləri iç-içə yapışdırıb sıxın. Dizləri mümkün qədər yanlara gen açın. Əlləri sinə üzərində tutun. Məşqə başlayın.
1. Əl barmaqlarının ucunu bir-birinə sıxin - 10 dəfə.
2. Sağ əlin barmaqları ilə sol əlin barmaqlarını sıxın - 10 dəfə. İndi də əksinə, sol əlin barmaqlarını sağ əlin barmaqlarına sıxın - 10 dəfə. Sonra sağ əllə sol əli sıxın - 10 dəfə. Daha sonra əksinə edin. Sol əllə sağ əli sıxın - 10 dəfə.Yarıbükülmüş əllərin qıraqlarını 10 dəfə sıxın.
3. Bitişik əlləri başdan yuxarı uzadıb, qollarınızı tam açın, yavaş-yavaş, müqavimət göstərə-göstərə geri,qurşağacan qaytarın.Barmaqlar baş tərəfə tuşlanıb - 10 dəfə. Eyni hərəkəti əks istiqamətdə edin.Barmaqlar ayağa tuşlanıb - 10 dəfə.
4. Bitişik əlləri bədənə perpendikulyar şəkildə yuxarı qaldırıb qolları tam açın, havanı yara-yara baş tərəfdən ayağa tərəf aparın və müqavimət göstərə-göstərə geri qaytarın (sanki havanı qılınclayırsınız) - 10 dəfə.
5. Bitişik əlləri dik yuxarı qaldırıb endirin (elə bil havanı süngüləyirsiniz) - 10 dəfə.
6. Bitişik əllər sinə üzərində qalıb. Bitişik pəncələri 1 qarışa qədər aşağı aparıb, qaytarın - 10 dəfə. Bunu edərkən pəncələrin aralanmasına imkan verməyin.
7. Bitişik əlləri və bitişik pəncələri eyni vaxtda əks istiqamətdə uzadıb, çəkirsiniz. Qollar tam açılır. Pəncələr isə 1 qarışa qədər uzanır. Pəncələrin aralanmasına imkan verməyin. Elə bil, fəqərə sütununu dartıb uzatmaq istəyirsiniz: 10 dəfədən 61 dəfəyədək. Çox eləmək də olar.
8. İlkin məşqlərdən sonra əvvəlki vəziyyəti alın. Əllər sinədə antenna kimi dayanıb. Gözləri yumub, 5-10 dəqiqə «lotos» vəziyyətində sakit qalın. Dizlər yanlara tərəf mümkün qədər gen açılıb.
İndi gəlin bu qaydanın təsir mexanizmini öyrənək. Bitişik əlləri və pəncələri hərəkət etdirməklə, biz nəyə nail oluruq? Ürəyi mədədən ayıran diafraqma elə ikinci ürəkdir. Bəli, Sağlam bədəndə diafraqma bir dəqiqə ərzində 18 dəfə hərəkət edir: 4 sm yuxarı qalxır və 4 sm aşağı enir. Bu da bir sutka ərzində 24.000 hərəkət deməkdir. Diafraqmanın hərəkəti say etibarilə ürək hərəkətinin dörddə biri qədər olsa da, böyük sahəyə malik olan bu nəhəng nasos aşağı enəndə qara ciyəri, dalağı, yoğun bağırsağı sıxır və qan dövranını yaxşılaşdırır.
Qarın boşluğunda olan bütün qan damarlarını və limfatik damarları sıxan diafraqma, venoz sistemini boşaldır və qanı irəli, döş qəfəsinə tərəf itələyir. Onun gemodinamik təzyiqi güclü olduğu üçün qanı, ürəyə nisbətən, daha çox vura bilir. Danışdığım qaydalıarı yerinə yetirərkən, biz diafraqmaya yardımçı oluruq, onu daha fəal işləməyə sövq edirik.
Bəs bu qaydanı yerinə yetirərkən necə nəfəs almaq lazımdır? Nişi Sistemi dərin nəfəsalmanı və hüceyrələrlə «tənəffüs etməni» gücləndirir. Ona görə də bütün bədənlə, dəri ilə nəfəs almaq məsləhətdir. Amma əynimizdəki paltar dəri ilə tənəffüs etməyə imkan vermir. Bu da müxtəlif xəstəliklər törədir. Nişinin tərtib etdiyi və sınaqdan keçirdiyi qaydaların hər bir hüceyrəni dərindən nəfəs almağa məcbur edir. Odur ki, paltarınızı nə qədər çox soyunsanız, məşqlərin səmərəsi bir o qədər artıq olar.
Bəs 5-10 dəqiqə sakitlik bizə nə verir?
Moskvalı alim Qurviç 1923-cü ildə çox qəribə bir sirr açdı: yan-yana basdırılmış iki baş soğanın hüceyrələri tək basdırılmış soğanlara nisbətən tez ayrılmağa və çoxalmağa başladı. Bu sürət fərqi 50-75 faiz təşkil etdi. Alim təcrübəni davam etdirərək, müəyyənləşdirdi ki, hüceyrələrin sür’ətli ayrılması soğan qabığının buraxdığı dalğaların (190-230 millimikron) sayəsində baş verir. Bu tədqiqatı Almaniyanın, Fransanın, İngiltərənin alimləri də davam etdirdilər və bir addım da qabağa getdilər: müəyyənləşdirdilər ki, əgər çömçəquyruğun başını soğanın yanında saxlasan, soğan dalğası bu canlıya da tə’sir göstərir. Soğanla bir sıra xəstəlikləri, o cümlədən, xərçəngi sağaltmaq ideyası meydana çıxdı. Sonra aydm oldu ki, digər canlılar kimi,elə insan da belə gücə malikdir. Barmaqları ilə müxtəlif xəstəlikləri sağaldan adamları yadınıza salın.
Негізгі бет Yapon həkim NİŞİ xəstə insanları belə sağaldırdı - BEŞİNCİ QAYDA
Пікірлер: 35