وانت بتشطب شقتك #تختار_الابواب_لاكيه_ولا_استر؟
إيه اللي بيخليني أختار بينهم؟! نوع الخشب أو القشرة.
كل ما تكون الأخشاب تشطيبها نضيف نجارة جديدة ، وشكل الخشب النهائي حلو، كل ما يكون دهان الأستر أقوى اقتراح وبعده الدوكو وبعده اللاكيه.
🔴 #الأستر جواه طريقتين شغل مختلفين :-
استر بلدى و استر بوليستر، وهما دهانات شفافة
يعني شكل الخشب وتضاريسه هيكون مرئي بعد التشطيب التضاريس المرئية هى تجزيعة الثمرة و ملمس مسام الخشب و سطحه .
🔴 #اللاكية : دهانات مصمطة، يعني دهانات تطمس الخشب، دهانات بتخفي الخشب
اللاكيه فيه منه نوعين
لاكيه سادة وحاجة تانية ديكورية أكتر اسمها هامر فينيش او كراكليه و غيره مظهرها قريب من الدوكو الميتاليك.
اللاكيه اقوى و بيتحمل العوامل الجويه..
( لأنه بيكون طبقة بتعزل الخشب و لذلك يفضل استخدامه لدهان أبواب الحمامات لتعرضها للمياه أو الشبابيك الخشب لتعرضها للمطر وعوامل الجو و تقدر تغسله بالمياه و تنظفه من الأتربه كل فترة على عكس الأستر مينفعش الميه تقرب منه ) 👌👌
🔴🔴 #الشكل_الجمالي
- اللاكيه بيظهر بعد التشطيب لون ساده بدون ما يظهر ثمرة الخشب وميزته انه متاح بدرجات ألوان زي ما تحب ..
- الأستر بيظهر ثمرة الخشب و بيدي شكل جمالي أكثر ولكن درجات ألوانه محدوده لأنه بيدي شكل طبيعي .
🔴🔴 #ملاحظات_الاستلام
👌 بلاش أي لمعة في دهانات الأبواب ولا 50% ولا أقل .. اقصاها 5:10 لانها بتظهر أي عيوب في النجارة مكانتش ملحوظة قبل الدهان .
👌مهم الصنايعي يخدم الشغل بمعنى انه يدي طبقات السيلر والورنيش بالطريقة الصحيحة و يخلي ملمس الباب ناعم بعد التشطيب ( في شغل الاستر ) وميكونش مبقع يعني درجة اللون ثابته في كل اجزاء الباب مش غامق وفاتح .
👌 مهم لو مركب الكوالين تتغطى بتيب عشان الدهان ميبوظهاش و يسدها .
👌 اتفق مع الصنايعي على مصنعيته فقط مياخدهاش مونه و أجرة عشان ميوفرش في الخامات ويخدم الشغل صح .
👌 لو اخترت درجة غامقة تعملها في الأستر ابدأ بالدرجة الأفتح منها ممكن تعجبك و بعدين ابدأ غمق عشان لو عملت الغامق و معجبكش صعب تفتح اللون تاني .
👌 لازم تشوف شغل الصنايعي بعينك ( مش صور ) عشان تشوف نضافة شغله بنفسك 👍👍للتواصل معنا...🌹❤️💪🤝
موجودين من خلال الواتس والتليفون علي الارقام التاليه/,01115302814او 01000162962📞📞
--------------
وهتلاقونا موجودين علي اليوتيوب 🖥️💻 💥💪 لو حابب تاخد الفكره كلها 👇
/ belalharby
وهونااا 👇 جروبنا علي الفيس بوك. عشان تتابعنا وتبقي مطلع علي كل جديد 😉✨ www.facebook.c...
-------------------------
ودا الاكونت الشخصي للتواصل/ 👈 / belal.harb
#Bebo
Негізгі бет ايه الفرق بين الاستر والاكيه ف الأبواب الخشب 🤔💥
Пікірлер: 11