Шымкентте қаланың бас жоспары өзгеріп, кесірінен жүзден аса отбасы далада қалайын деп отыр. Асар шағын ауданындағы тұрғындар үйлерінің қызыл сызықта екенін бір апта бұрын ғана білген. Содан бері мазамыз кетті деген бұқара наразылығын білдіріп әкімдікке де барған. Алайда, шенеуніктердің айтар өз уәжі бар. Тараптарды әріптесім Нәзерке Үкібасова тыңдап қайтты.
Шымкенттегі Асар шағын ауданындағы Алмас көшесінің тұрғындарының бір аптадан бері дегбірі қашқан. Жүзден астам отбасы үйіміз қызыл сызықтың үстінде тұрғанын жақында білдік деп шулады. Себебі, әкім қаланың өзгерген бас жоспарына жақында ғана қол қойған.
ФАРИДА ҚАЛДЫБАЕВА, Шымкент қаласының тұрғыны:
- Үйдің құжатын алып жатқанда ешқандай қызыл сызық жоқ еді. Біздің тынышымыздың бұзылғанына бір апта болды. Жаңадан көшіп келіп жатқан тұрғындар құжаттарын дұрыстаса отказ болады. Құжат жоқ. Қызыл сызықта тұр Алмас көшесі. Үлкен жол түседі. Ертең бұзылмайды дейді бұл көше. Ертең бұзылмаса 5 жылдан кейін бұзылады ма? Сонда жүрегімізді шүберекке түйіп отыруымыз керек.
Шағын аудандағы жер телімдері осыдан 7 жыл бұрын сатыла бастаған. Содан бері көшеге 200 үй түсіпті. Осылай деген тұрғындардың жартысында құжат түгел болса, қалғаны әлі рәсімдеп үлгермеген. Айтуларынша, қаланың бас жоспары әкім ауысқан сайын өзгереді.
ТҰРДАЛЫ ШЫНАСЫЛОВ, Шымкент қаласының тұрғыны:
- 2021 жылы ген план бекітілді. Жаңа әкім келді. Уже дереу өзгерді. Болмаса оған дейін қызыл сызық деген жоқ еді. Әр әкім келгенде ген пландар өзгеріп жатыр. ПДП өзгеріп жатыр. 50 жылға бекітіледі дейді. 50 жыл емес 5 күнде өзгеріп жатыр. Қалай-қалай өзгеріп кетіп жатқанын.
Арызын айтқан жұртпен кездесуге бұл жолы салаға жауапты басшы келді. Көпшілікпен жүздескен Нұрбол Жүнісов қолдың қойылғанын, ал баспаналары сүрілетін тұрғындарға қаржы бөлінетінін жеткізді.
НҰРБОЛ ЖҮНІСБЕКОВ, Шымкент қаласы сәулет және қала құрылысы, жер қатынастары басқармасының басшысы:
- 2012 жылы бізде бекітілген ген план. Ол бойынша 20 метр көше қарастырылған болатын. Қазір қала өсті. Ол кездегі ген план 680 мыңға арналған. Қазіргі ген план 2 млн арналып жасалып отыр. Сондықтан көлік кептелісін азайту мақсатында қалалық жол инфраструктурасын қалыптастырдық. Бұл қаланың негізгі көшелері 3 айналма жолдан тұратын болады. Қазіргі Алмас көшесі бір бөлшегіне келіп тұр.
Жер дауының мән-жайын тыңдауға қала әкімі де келді. Шаһар басшысы мәселені шешеміз, уайымдамауға негіз жоқ деген. Бірақ тұрғындар 2035 жылға дейін талай әкім ауысып, далада қаламыз ба деп қорқады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
Негізгі бет Шымкент қаласының бас жоспары өзгеретін болып, кесірінен 100 аса отбасы далада қалайын деп тұр
Пікірлер: 18