Шымкентте ауылшаруашылық өнімдерімен айналысатын шаруалар үкіметтен көмек сұрайды. Олар елімізде шығатын тыңайтқыш бағасы 2-3 есе, ал ауылшаруашылығына қажетті техникалар 70-80 пайызға өскен деп отыр. Көктемде таратылатын арзан дизель отынының да құны қымбат дейді. Сондықтан, фермерлер дизельдің бағасын 10-15 теңге емес 50-60 теңгеге төмендетсе деп талап қойды. Ал оңтүстікте көктем ерте келетіндіктен, тыңайтқыштар сатып алуда қосымша жеңілдіктер қарастырылса дейді. Ал ауылшаруашылық министрлігіндегілер күніміз тыңайтқыш өндіретін жалғыз зауытқа қарағандықтан, оның баға саясатына араласа алмаймыз деп кесіп айтты.
Шаруалар дәнді-дақыл өсіруге ең қажетті аммофос, аммиак селитрасы секілді тыңайтқыштардың үш-төрт есеге дейін қымбаттағанын айтады. Бірақ бидай бағасы 130 теңгеден әлі өскен жоқ. Арзандатылған дизель отыны нарық бағасынан 10-15 теңгеге ғана төмен, айтарлықтай жеңілдік емес дейді. «Белорусь» тракторы бір жылда 9 дан 15 миллионға бір-ақ көтеріліп, 70 пайызға өскен. Келісі 76 теңге тұратын Ақтауда шығарылатын аммиак селитрасы 184 теңгеге жеткен. Сондықтан, ерте көктемде тыңайтқыштың бағасын арзандатып берілсе дейді.
МҰХТАР БИМАТ, Түркістан облысы ауылшаруашылық өнімін өндірушілер қауымдастығы төрағасы:
- 100 гектарға шашсаң да, біреу 200 гектарға шашса да, жоқ, 100 пайыз төлеп алады. Бірақ майдың аяғында, июньде қайтарып береді. Июньде ол ақшаның не керегі бар, былайша айтқан кезде. Бізге қазірден 50 процентке ақша төлеп алса, 100 гектарға шашатын селитраны 200 гектарға шашып, қаншама өнім көбейер еді.
Одан өзге жанар-жағармай, қосалқы бөлшектер бағасы 2-3 есеге өсті. Мақсарыға берілетін субсидия қазіргідей өңдеуге ғана емес, бұрынғыша гектарына берілсе деп отыр. Дизельді таратушы операторлар көктемгі отынды әр айға бөліп қарайды. Келесі айда алдыңғы айдың отынын бермей қояды. Бұл шектеу жойылса дейді.
ӘЛАЙДАР ҚОРАБАЕВ, Өндірістік кооператив төрағасы:
- Оператор тендерді алған кезде, көктемгі дала жұмыстары үш ай ма, сол үш айға берілген солярканы сақтап тұруы керек қоймасында. Біз кез келген уақытта ақша тапқан уақытта алуымыз керек. Барсаң айтады, неге өткен айда келмедің деп. Біз ақша таппай қалдық. Тауып келгеніміз осы десең, ондай болса солярка жоқ, күйіп кеткен деп бермейді.
Ауылшаруашылық министрлігіндегілер тыңайтқыш өндіру жалғыз зауытқа қарағандықтан бәсеке жоқ, ал өнімге сұраныс көп дейді. Әрі Қазақстанда қосымша зауыт қажеттілігі бар деп отыр. Дизель отыны бойынша оператор таңдауда жергілікті әкімдіктерге қауқарлы компанияға беру міндеттелгенін айтады. Көп жағдайда ол талап сақтала бермейді екен.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Шымкентте ауылшаруашылық өнімдерімен айналысатын шаруалар үкіметтен көмек сұрайды
Пікірлер: 3