عطيته كل شي حتى فؤادي
وربحي في المحبة والفوايد
ونا شليت تجريح الأعادي
ولوم الأقربا لي والأباعد
وهو هو ذاك هو ماغيرت فيه شي الجمعة ولا العيد
قليل العرف ماتعرفه خسران وإلا مستفيد
***
لشانه عشت وحدي بطن وادي
ولا رحمه تجي منه ولا ود
ولا مقيلي يصفي أو برادي
ولا شي في جهنم كوز بارد
كأنا ما جلسنا نشرب المشعبي وسط البراريد
قليل العرف ما تعرفه خسران ولا مستفيد
***
اذا حط المروس والزيادي
على ظهر الجمل روح يزايد
عنف دوبه لحد ما حط قادي
بغى نفسه على العشاق قايد
ولكن مالقي للعشق حشمة ولا للهرج تقييد
قليل العرف ما تعرفه خسران ولا مستفيد
***
على عهده وعاعهدي محادي
وياريته وقع حتى محايد
ولكنه يدور عاعنادي
ودوبه لي محارب او معاند
ولو علمني اسلوبه لأصبحت مثله عيف وعنيد
قليل العرف ماتعرفه خسران ولا مستفيد
***
على موسمه يفزع من جرادي
طرح إعلان في كل الجرايد
وهو يعلم باني صرت هادي
مع الهدات لا افرع ولاهد
لكني قوي القلب ماخاف من هده و تهديد
قليل العرف ما تعرفه خسران والا مستفيد
************************************
Негізгі бет عطيته كل شي حتى فؤادي - الفنان شادي بن جابر
Пікірлер: 3