以下嘅時間就係彭彭同大家講嘅彭友話,今日係2020年3月31號。係我主持《今日最新聞》嘅最後一晚,節目監製同我講,喂不如甘啦?整段彭彭十年半嘅回顧啦,重溫呢十年半嘅難忘瞬間。但係常識即時話畀我知,某個人嘅回顧係米一般等距百年之後先播嘅呢?所以大吉利是,我都係自己係度感懷身世好D。我呢幾日霖左亦都計左下,作為男人最寶貴嘅十年,我放左係呢個媒體行業,我做左D咩先?原來我係係度做左超過2600個小時嘅《今日最新聞》直播,我亦都堅持我自己嘅節目係要我自己寫稿,每集4張紙嘅文稿加加埋埋應該有兩層樓甘高。而幫手係隔離頻道做果D小記者,日日315果D吾計數啊。但係最令我詫異嘅係,計完數先知,竟然係我呢10年時間我做電臺係比電視仲多嘅,超過左3000個小時嘅直播或者錄播嘅各類型音頻節目。包括,一定有嘅,《彭友》《彭彭聲》《西關二少》《洞察新聞》《好有共鳴》《Sunday三人行》《講笑甘講》等等等等。反正,呢十年裏面,吾計電視,我平均每日係要對住只mic講野超過一個小時嘅一日一小時,終於證實做我阿媽講果句:啊,你甘鬼多野講嘅?你前世啞嘅呢句野應該係真嘅。同時亦都不知不覺閒,我係寫左五年嘅報紙專欄,反正呢十年半嘅時間,就算冇質我都有個量係度支撐。而呢十年半我堅持做緊兩樣野:第一就係我講嘅係我自己嘅睇法,我寧願吾鬼講我都吾罨住個心去講。另外就係我不斷係度講你有你觀點,我有我睇法。要有獨立思考,遇到問題要問點解!吾好只睇結果,追求程序正義好重要,吾好人地講你就信先得噶!等等等等,所以過程當中出現左吾少彭彭第N歪理。我知道,我講果D野,吾係樣樣都啱,都吾係樣樣都每個人都啱聼,甚至會得罪人。但係果D就係我當時最真實嘅感受或者係睇法。當然啦,隨住成長,睇法亦都有變啦,就好似開場果句,今日最新聞,老友一起品變成同聲同氣自己人,再變成我有我講,你有你霖。呢D甘細微嘅轉變吾係為左押韻,而係我地一起成長,我地都一起係度轉變緊。講翻我可以係度通過屏幕同大家溝通,其實源自於十一年前嘅四月一號,馬後炮嘅主持人,馬志海先生距比個電話我,叫我出黎抛頭露面。我好記得當年我呢舊小鮮肥肉,前面呢執仲係金毛黎嘅,髮型冇變過。甘所以我係完全唔明,阿Lulu點解甘勇敢,亦都唔知當時嘅監製楊駱文係點鬼樣霖嘅,净係記得顧老闆帶我去對面六樓果度試左兩pou甘多嘅鏡,就以一個傳統型男人嘅形象出現係當年呢個4:3嘅屏幕裏面。由節目開始冇几耐,就有勞阿文燕姐姐果D催人聊下嘅檢討一路為我護航至今啦。而果個遲到我一個半月但早退我三年嘅阿棟距就做左我拍檔。我啱啱提及嘅呢堆人,點解甘著重提及距地,因爲呢班就係呢個節目最核心,最原始,最基礎嘅構成,亦都係呢班有專業精神嘅人,有足夠包容度,先至有呢塊土壤,先至有呢個節目嘅風格產生。呢幾年,距地因爲各種值得恭喜嘅原因離開左呢個節目組,依舊係度擰住最新聞支棒嘅就得我呢只甘嘅肥佬。既然十年為一代人,甘呢個時候應該交棒比D年輕人,聼下屬於年輕一代嘅聲音。呢兩日好感觸好多同事專登過黎探我,係度我想同所有同我合作嘅同事,包括我D我拍檔啦,監製,主編,集編,記者,配音,燈光,攝像,音響,視訊,導播,放像,字幕,化妝,雖然我吾鬼化妝,乃至好好笑容嘅清潔姨姨,係度講聲,多謝大家甘多年嘅關照。我地之間嘅默契,無可取替。我好有信心,我知道你地一定會挂住我嘅。甘當然,吾少得嘅就係屏幕出邊,收音機外邊嘅各位,好感恩有你地,肯!睇我,聼我,陪我呢十年半。海闊天空盡在不言中,今日最新聞,彭彭相當之甘有幸可以左大家節目扎槍人。我係彭彭,有緣再會,係吾同嘅平臺可能會相會。拜拜!
純手打,可能有錯字,有吾識打嘅字,多多包涵!!
Негізгі бет (粵語CC)《今日最新闻》彭彭主持最后一晚:我有我講,你有你諗。
Пікірлер: 15