ازاي تحمي اطفالك من انهم يطلعوا نرجسيين
أولا مفيش حاجة اسمها طفل نرجسي اضطراب الشخصية النرجسية يتم تشخيصه عند بلوغ سن الثمانية عشر سنة
كلنا عرفنا طبعا ايه أسباب تكوين الشخصية النرجسية او أي اضطراب شخصية ، لكن فيه سبب مهم جدا يعتبر اهم سبب للاضراب الشخصي وهو سبب مشترك بين كل الاضطرابات الشخصية ، اللي هو عدم الإحساس بالأمان .
ودة بيشمل الإحساس بالخوف والوحدة وعدم وجود حد يعتمد عليه ويسنده او ممكن يرجع له ، الإحساس انه مش مقبول وبالتالي مرفوض وبالتالي ممكن يتم هجره فمفيش امان ودة السبب اللي كل ام تقدر تحاربه وتمنع حصوله مع أولادها حتى لو كان ابوهم نرجسي ازاي؟
حسسي طفلك بالأمان كوني انتي الملجأ وقت الخوف ، كوني السند وقت المشاكل كوني الحضن الدافي وقت ما ابوه يحسسه بالرفض كوني متاحة لطفلك معظم الوقت يقدر يتكلم معاكي ويفضفض لك ويستنجد بيكي ، حاولي متبينيش لابنك ضعفك وتقعدي على جنب تستنس ابنك يكبر عشان ياخد لك حقك ، كوني الشخص اللي بيقبله وبيقبل شخصه لما بيغلط بس بيرفض غلطه مش بيرفض شخصه ، كوني ملاذه وراحته وامانه متكونيش امنا الغولة ولما يغلط ترعبيه عشان انتي مرعوبة من ابوه بالعكس انزعي الخوف من جواكي وافهمي ان اولادك اهم ، افهمي انك لازم تحاربي النرجسية ومتطلعيش للمجتمع تلات اربع نرجسيين جداد ودة حيخليكي تكوني قوية قصاد النرجسي تخيلي الام لما بتدافع عن اطفالها عشان تحافظ على حياتهم بتكون اد ايه شرسة وقوية ، لازم تكوني كدة مع النرجسي عشان تنقذي اولادك من النرجسية لازم تكوني قوية ادامه عشان متبقيش عصبية طول الوقت مع اولادك وتتحولي لمصدر رعب لهم بدل ماتكوني مصدر الأمان و تخليهم واقعين بين فكي الرحي بينك وبين ابوهم بين اتنين بيمثلوا لهم الرعب وعدم الأمان وفي الاخر نستغرب هم طلعوا نرجسيين ليه ، طلعوا نرجسيين عشان ابوهم نرجسي ومش بيحسسهم بالامان وعشان انتي بتلفي حوالين النرجسي وفاقدة عقلك واتزانك وبقيتي عصبية وبقيتي مصدر عدم امان لهم .
تعالي بقى نشوف الأبحاث بتقول ايه ؟ بتقول ان الناس اللي عندهم حد يقدروا يعتمدوا عليه ويرتاحوا عنده ويحسوا انه بيحبهم وبيراعيهم وبيعتني بيهم وبيدبر امورهم عمرهم ماحيتحولوا للاحساس بانهم مختلفين عن الناس زي ما النرجسي بيحس ، عمرهم ماحيحسوا انهم استثناء عشان هم ناقصهم حاجة فهم ضحايا او انهم مميزين عن الاخرين او انهم لازم يكونوا مميزين عشان يثبتوا للي ظلموهم او اهملوهم انهم احسن حد وان اللي اهملهم دة كان غلطان ولا حيحسوا بان عندهم حاجة ملحة بشكل ادماني للمديح ولا حاجة ملحة للاحساس بالتميز والعبقرية وانهم مش مفهومين ولا حد قادر ولا عارف يوصل لقيمتهم ويقدرهم
واحد من الأبحاث العظيمة في الموضوع دة عملته باحثة عظيمة برضه اسمها فيبي كريمر ، عملت ايه تابعت مجموعة من الأطفال العاديين جدا ومجموعة من الأطفال صانعي المشاكل والدراميين واللي عايزين يكونوا في بؤرة الاهتمام والمتنمرين واللي مشاكلهم كتير في المدرسة والدراسة ، وتابعت الفريقين لمدة عشرين سنة عشان تشوف مين من الفريقين دول حيحصل عنده اضطراب شخصبة لما يكبر ويوصل لمرحلة النضج ، وكانت نتيجة البحث مبشرة جدا ، ليه ؟ لنها لقت ان الفريقين خرج منهم اسوياء وخرج منهم مضطربين ، يعني المؤشرات الأولية اللي كانت عند الفريق الثاني صانعي المشاكل مش معناها ابدا ان الأطفال دول بالضرورة حيطلعوا مضطربين ، امال ايه السبب اللي وصل الأطفال سواء العاديين او اللي عندهم مؤشرات الاضطراب لانهم يكونوا مضطربين؟ نتيجة البحث قالت ان الأطفال اللي عاشوا حياة مليئة بالاحساس بالأمان والتفهم والرعاية والتربية المعتمدة على العواقب الطبيعية (حنعمل لها حلقة لوحدها ان شاد الله وانزلها فيس ) وليس العقاب مع الحزم في اصلاح الأخطاء مش مفيش عقاب يعني نسيب الدنيا تبوظ وعدم التدليل ، حتى لو عندهم مؤشرات نرجسية ، بيطلعوا اشخاص اسوياء وعندهم إحساس جيد بالنفس وثقة وتقدير للنفس ، اما اللي اتربى في بيئة عكس الكلام دة وتم الإساءة لهم من ابويهم وتم اهمالهم واستغلالهم وتعرضوا للعنف البدني وللعقاب مش للعواقب ، واللي طبعا حصل له فرط تدليل هو اللي للأسف اصبح شخص نرجسي .
كمان الأبحاث بتقول ان الأطفال عشان يكونوا اشخاص اسوياء لما يكبروا يكفيهم اب او ام لوحده يعني مش معنى ان حصل طلاق ان الأولاد لازم يكونوا مش اسوياء ابدا لان اذا الاب او الام اللي معاهم وضعهم في بيئة سليمة وهو لوحده حيكونوا اسوياء ، طبعا لو انتي كزوجة نرجسي اتطلقتي واخدتي اولادك بعيد عنه فدة حيكون اسهل لك انك توفري لهم البيئة السليمة ، لكن اذا انتي عايشة معاه فبرضه حتقدري بس حيكون مجهود عليكي ، لانك لازم تتعافي وتعالجي نفسك من العصبية الأول وتخرجي النرجسي برة دايرة تفكيرك ويكون كل تركيزك على ازاي توفري بيئة صحية لاولادك بالرغم من وجود النرجسي ، وازاي تكوني حائط صد لهم معاه وازاي تكوني مصدر الأمان لهم والصدر الحنين والملجأ والملاذ ، ودة تقدري تعمليه وتبعديهم عنه تماما ودايما تقولي له انت ماتدخلش في تربيتهم غير لما اطلب منك عشان يفضلوا خايفين منك لانهم كتر الزعيق حيخليهم يتنحوا ومش حيخافوا، دايما تحسسيه انه كارت انتي شايلاه لساعة الجد كدة بتخففي عليهم ضغطه وبتديه وقود إيجابي يخفف عليكي انتي كمان ضغطه ، اتعاملي بحكمة ولما يستدعي الامر قوة اتعاملي بقوة واقفي زي الأسد متسمحيش له انه يضربهم ولا يحقرهم ، كوني قوية كوني اقوى من النرجسي (شوفي الحلقتين )
جروب ادرس عدوك النرجسي
/ kawthersanad11
صفحتي الخاصة
/ kawthersanad1.wordpress
Негізгі бет Фильм және анимация ازاي تحمي اطفالك من انهم يتحولوا لنرجسيين ؟.... كوثر سند
Пікірлер: 297