هو ينفع النرجسي يدمن حد
الحلقة النهاردة شريرة جدا ،بس لو حتنفذيها لازم تكوني فاهمة انك ماتظلميش ولا تاخدي حاجة مش من حقك ولا تكون نيتك الانتقام ولا انك تعذبيه لازم نيتك تكون الحفاظ على بيتك واولادك
كان فيه حالة بتسأل هو النرجسي ليه مش بيدمن ضحيته زي ما هي بتدمنه ؟
هو أصلا بيعمل تصرفات تخليها تدمنه حقولها لكم بسرعة والكلام دة موجود في حلقة التشافي ٧ . النرجسي في بداية العلاقة بيفرحك كتيير جدا ويسعدك ودة بيعلي افراز الدوبامين في المخ ولما يزيد افرازه يزيد الشعور بالسعادة والنشوة جدا فتبدأ الضحية تدمن الشعور بالسعادة دة بالظبط بنفس طريقة ادمان الكوكايين واللي الدراسات بتقول ان الدوبامين هو اللي مسئول عنه ، دة غير ان الحنية المفاجئة اللي بيديها النرجسي لضحيته بدون مقدمات زي مابيقلب ع الوحش فجأة بيقلب حنين فجأة والفجأة دي في حد ذاتها هي السر لان الانسان بيسعد بالمفاجئات اكتر بكتير مابيسعد بالشيء المتوقع وبالتالي في حالة المفاجئات بيتم افراز الدوبامين بشكل مكثف اكتر بكتير وبالتالي بيزيد الشعور بالسعادة وهكذا الضحية بتتحط في حلقة مفرغة وبتلاقي نفسها ادمنت النرجسي وضيفي للكلام دة رابطة الصدمة اللي هي ادمان الحياة المتذبذبة بين النكد والحب
طيب النرجسي دة زي ماقلنا قبل كدة هو ممكن يكون مدمن لامه او لابوه يعني هو في الأساس ضحية لنرجسي اكبر منه وهو نفسه لو اتجوز نرجسية اقوى منه حيدمنها .
طيب انتي ؟ تفتكري انتي اقوى ولا هو ؟
انا عارفة ومتأكدة انك اقوى حتى لو كنتي ظاهريا ضعيفة جدا ولو كان بيضربك فانتي اقوى عارفة ليه لانه لو عارفك ضعيفة كان وفر طاقته ومضربكيش ، المهم خلينا نقول ازاي تخلي النرجسي يدمنك ؟ هو النرجسي أصلا من ضمن مشاكله انه بيتعرض للادمان بشكل كبير وعنده ادمان تسوق وعنده ادمان عطاء وعنده ادمان مخدرات أحيانا وسجاير وقهوة وبعضهم والعياذ بالله ادمان علاقات نسائية ، فهو عنده الافرازات اللي موجودة في المخ عند كل الناس واللي بتسبب الإدمان ، يبقى اشمعنى انتي مش حيدمنك؟ عشان انتي معملتيش الحاجات اللي تخليه يدمنك لانك أصلا كنتي مغيبة ، طيب النهاردة بعد مامرت على جوازكم ٣٠ سنة ممكن يدمنك؟ ممكن لو كان نرجسي خفي ضعيف خفيف اما البنات الصغيرين اللي لسة شباب ومتجوزين من نرجسيين شباب فممكن بسهولة أيا كان مستوى نرجسيته انه يدمنك عدا السيكوباتي والله اعلم مش متأكدة من المعلومة دي
المهم ازاي تخليه يدمنك؟ دا اذا انتي في اول جوازك ومضطرة تستمري معاه ، اسعديه جدا جدا جدا بس بدون مقدمات وفجأة ، ازاي انتي بس اللي تعرفي ايه اكتر حاجة تخليه يحس بالسعادة ،انا معاكي ان احساسه بالسعادة لحظي لكن حيشتغل معانا برضه ، طيب وبعدين بعد ماتسعديه برضه فجأة تحسسيه انك مش راضية عنه وتذكري فيه عيب بسيط وتغلفيه بكلام حلو بنفس طريقته زي ايه القميص دة تحفة عليك بس كرشك مبوظه ، بس كان عايز حد أطول سنة ، انت طيب جدا لدرجة ممكن يتضحك عليك ، انتي ذكي جدا بس ساعات حاجات بتقع منك او بتلف معاك ، بس خدي بالك في الأول لازم تكوني واعية وناصحة وناعمة متدخليش بغشومية لازم بنعومة بنفس نعومته اللي دخل لك بيها ، وبعدين ترجعي فجأة تسعديه فتعلي الدوبامين وتكون جرعة سعادة عالية جدا وكل نوع نرجسي وله مدخل تسعديه بيه ، الجسماني العلاقة الحميمة والنخبة كذلك مع الكلام والثقافة والمناقشات بس ايه هو اللي يتكلم وانتي تسمعي له وكمان تسأليه وتحسسيه انه عبقري ، والعقلاني نفس الكلام المناقشات وخلافه بس طبعا بعيدا عن العلاقة الحميمة والضحية انك تتعاطفي معاه وتحسسيه انه غلبان والدنيا ظالماه وهكذا كل واحدة عارفة ايه اللي بيسعد زوجها وتركز عليه ، وبعدين تقلبي وتديه وش خشب ، بدون أسباب وحتى لو عندك أسباب متقوليهاش ولما يسألك مالك متقوليش خليه يلف وراكي ويسألك زي ماكان بيعمل معاكي بالظبط ، ولو مسألكيش استني يومين واعملي له مشكلة من لاشيء وخليه يتلخبط ويبقى مش فاهم فيه ايه وقولي كلام مش منطقي زي ماهو كان بيقول وعادي لو وصلتيه لغضب نرجسي بس لازم ثبات انفعالي جامد ولازم تردي له الغضب بغضب منك بس بدون تطاول ولا شتايم لكن توجعيه بالكلام وفي وقتها بعد ما الدنيا تهدى تصالحيه وتسعديه سعادة مضاعفة فتربطي بين الزعل والنكد وبين الحب والدلع والسعادة ودي رابطة الصدمة انا قلتها لكم في فيديو قبل كدة ، اسمعي التشافي ٧، ٦ كويس جدا واسمعي حلقة فتات الخبز حتتعلمي منهم هو بيعمل ايه عشان يخليكي تدمنيه وقلديه
Негізгі бет ازاي تخلي النرجسي يدمنك زي ماخلاكي تدمنيه؟ "حلقة شريرة "
No video
Пікірлер: 1,2 М.