يا بختك لو رمضان غيّرك ❤️ يا بختك لو نويت إنك تكون نسخة أفضل في رمضان ده.
يا بختك لو فهمت إنه شهر واحد بس جاي عشان يظبطلك السنة كلها .
في شاب إسمه محمود. مستهتر زيك وزيي كده بالظبط، دخل عليه رمضان وكان عندي نية صادقة ف التوبة وإصلاح حاله.
وبدأ فعلا يجهز خطة وخصص مذكرة ل30 يوم في رمضان يكتب فيها مهام وواجبات الشهر كله. زي قراءة القرآن وصلاة التراويح وقراءة كتب التفسير وحفظ بعض الأحاديث والدراسة وتطوير الذات وما إلى ذلك...
واختار عنوان جميل جدا للمذكرة ، وهو خطة ما بعد رمضان (إنسان جديد)
الخطة مكنتش مقتصرة ع رمضان بس ولكن كانت عنده النية الصادقة انه يكمل ودي تبقى طبيعة حياته القادمة.
ولكن ربنا سبحانه وتعالى قرر يصطحب روحه ويكون معاه، محمود مات بعد مرور يوم واحد بس من رمضان، محمود مات وهو في رحلة التوبة والتقرب إلى الله، مات وعنده النية الخالصة في التغيير والإصلاح...
ربنا سبحانه وتعالى كافأه وقدمله أعظم خدمة وهي الموت على توبة ...
يعني بإذن الله نحسب إن كل اللي كان ناويه ومخططله أخد أجره وثوابه من عند الله.❤️
دايما خلى اتجاهاتك تكون للإصلاح والتغيير للأفضل، حتى لو شايف إن الأمر مستحيل وصعب،
خلي اللحظة دي هي لحظة توبة ع الورق،
يعني هات ورقة وقلم وقرر وخطط لرمضان، باعتبار انك إن شاء الله يعني هتلتزم بالخطة دي وتبقى ممتدة ومكملة معاك باقي أيام السنة.. فإذا عزمت فتوكل ع الله، ولو وقعت في نص الطريق، استغفر ربنا وخطط من تاني، ربنا سبحانه وتعالى قال، إن الله يحب التوابين ويحب المتكهرين، وهم الذين يتوبون ويعودون إلى الله كلما أذنبوا، فإغلط وأذنب ولكن دايما تطهر وتب إلى الله، وبكده هتبقى محبوب ومقبول عند ربنا بإذن الله.
كل عام وأنتم بخير...
Негізгі бет ازاي تخلي رمضان ده نقطة تحول عظيمة في حياتك ؟ (كن مثل محمود)
Пікірлер: 9