رقم حجز الاستشارات والكورسات : ٠٠٢٠١١٥٠٥٨٦٠٥٢
ازاي تتحكمي في النرجسي؟
من المفترض ان الحياة السوية مفيش حد يتحكم في التاني ،ومن المفترض ان الشريك السوي لا يتحكم في شريكه ولا شريكه يتحكم فيه هو اسمه شريك ليه عشان الشراكة والمشاركة يعني احنا الاتنين بنتشارك حياتنا وبيتنا واولادنا ومسئولياتنا ، طيب لما احد الشريكين بيكون سام سواء نرجسي او غيره فهو بيكون هدفه الأكبر من العلاقة هو السيطرة والتحكم عشان يضمن الوقود الدائم او يضمن الفايدة المرجوة من العلاقة ، طيب لما تلاقي نفسك مع شخص بالشكل دة يبقى لازم تاخدي احد اتجاهين اما الخروج من العلاقة اذا كان في امكانك او انك تاخدي انتي زمام الأمور في ايدك وتتحكمي انتي في الشخص دة عشان تقدري تحافظي ع البيت والأولاد وكمان حتحافظي على مصالح النرجسي المختل اللي مش بيعمل حاجة في حياته غير انه يخربها . طيب ازاي حتقدري تتحكمي ؟
أولا التعافي وكلنا خلاص حفظنا ان ماينفعش أصلا تستمري في العلاقة الا اذا كنتي تعافيتي من ادمانه ومن اضطراب ما بعد الصدمة ، ليه لازم التعافي عشان تقدري تتحكمي ؟ لان النرجسي أصلا وهمك انك ماتقدريش تعملي أي حاجة لنفسك ووصلك انك مش بتتحكمي في نفسك وبالتالي فانتي داخليا مقتنعة انك مش حتقدري تتحكمي في حد أصلا ، فانتي ازاي حتتحكمي في نفسك وفي مشاعرك وفي افكارك وتفصلي أفكاره المسمومة عن افكارك وتفكيرك ؟ عن طريق التشافي .
ثانيا الخطوة التانية بقى هي نتيجة للاولى بعد التشافي حتلاقي نفسك هديتي وعصبيتك قلت وعندك ثبات انفعالي وبدأ مخك يشتغل يعني الجزء المسئول عن التفكير العقلاني من خك اللي كان حاصل له شلل تام طول حياتك مع النرجسي ، دة لما يبدأ يشتغل حتعرفي فعلا تتحكمي في نفسك وفي حياتك ومن ضمن حياتك النرجسي كجزء من الحياة اللي انتي عايشاها مش الحياة كلها زي ماكنتي متخيلة قبل التشافي ، طيب لما تتحكمي في نفسك كمان حتقدري توقفي تبرير مشاعرك وافكارك وتبرير نفسك ، ودي حاجة كانت بتدي للنرجسي إحساس فائق بالعظمة ووقود هائل منك ، طيب عدم تفاعلك مع النرجسي في كل احواله سواء غضب او صمت او جازلايتينج دة في حد ذاته اضعاف له وربكة لكن كالعادة حفضل أقول لك ماتعمليش دة بشكل تام يعني ماتقطعيش الوقود تماما عشان مايدخلكيش في حرب انتي مقصرة ادي فتات ، تمام كدة طيب الخطوة اللي بعد ما اربكتيه ووترتيه ايه؟
تحسسيه انك مش راضية عن اداؤه في أي حاجة هو بيعملها يعني ماتديهوش الانطباع انك مبهورة باللي بيعمله وبذكاؤه وبجماله وشياكته ، لا نهائيا انتي تحسسيه ان فيه احسن منه لكن بدون ذكر محاسن رجال غير المحارم يعني ماتتكلميش عن شخص بشكل مباشر لا اما محرم او ان زوجة فلان بتشكر فيه كذا يعني اخي بيعامل زوجته ازاي او فلانة بتقول ان جوزها جاب لها هدية واو ، او بتقول ان جوزها بيعامل أولادها بالطريقة الفلانية ، استخدمي معاه التثليث اللي هو بيعمله معاكي بس انتي بالحق وبنية التوجيه لان فيه ناس افضل اجتهد عشان تكون انت افضل منهم ، الطريقة دي بتلخبط النرجسي خصوصا لما تعمليها في أوقات الصفا وبدون توجيه أي انتقاد وهو كويس معاكي وتتقال في وسط الكلام ويكون لها مناسبة يعني لازم تتعمل بذكاء عشان تحيره فعلا ويلفت نظره المعنى والمغزى منها مايلفتش نظره ان فيه هجوم عليه فيركز ع الهجوم ويهجم هو كمان ومانستفدش حاجة .
الخطوة اللي بعد كدة انك تقللي الأنشطة اللي بتعمليها معاه اذا كان أصلا فيه حاجة بتعمليها معاه واذا مفيش بطلي تطلبي منه المشاركة تماما يعني نخرج سوا نتسوق سوا نذاكر للأولاد او التوصيل للتمارين او زيارة الاهل كل الحاجات اللي مفترض تعملوها سوا قلصيها لكن ماتوقفيهاش تماما سيبي حاجة مثلا واذا مفيش أصلا وقفي تماما طلب المشاركة .
الخطوة الرابعة شوفي فيديو الضربة القاضية للنرجسي ،لما تفوتي عليه اللعبة بحرفنة هو حيفضل وراكي عشان يلعب تان يلانه ماحققش المكسب اللي هو عايزه فانتي تفوتي عليه اللعبة مرتين تلاتة وبعدين تكسبيه مرة في الوقت اللي انتي تقرريه وفي اللعبة المناسبة لكي
لو ركزتي في كل كلمة قلتها ونفذتيها حتلاقي نفسك بتتحكمي في تصرفات النرجسي وموده ومشاعره . عشان توصلي لدة لازم تكوني قوية بكفاية انه مايقدرش يكسرك تاني ابدا
Негізгі бет ازاي تقدري تتحكمي في النرجسي؟
No video
Пікірлер: 126