رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/
ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
عشان تغلبي النرجسي لازم تتوقعي تصرفاته ،، دة عنوان الريل
إحنا اتفقنا قبل كده واتكلمنا كتير عن إن النرجسي مبيحبش المفاجآت النرجسي بيكره المفاجآت لإنها بتخليه يحس إنه هو بيفقد السيطرة والتحكم وهو ميقدرش يعيش غير وهو مسيطر ومتحكم في جميع جوانب حياته الحكاية دي ممكن أنتي تستغليها عشان تخليه يبقى محتار في أمرك وتربكيه وبالتالي تقدري تكسبي المعارك معاه بتعملي إيه بطريقة ذكية
١- أول حاجة إنك زي ما اتفقنا قبل كده تختفي تختفي كمصدر للمعلومات ليه لإن النرجسي بيعتمد على كل معلومة بتديها له في إنه يقدر يحاربك بيها أو يخططلك فإنتي مفروض خططك ونواياكي ما يعرفهاش لإنه معتمد عليها في التحكم فيكي فإنتي لازم تكوني غامضة ساكتة ماتكشفيش له تفاصيل خطط حياتك فمثلا هيجي يقول لك إنت هتعملي ايه النهاردة يومك كان إزاي النهاردة فإنت ردك المفروض يكون إيه عندي شوية حاجات لازم أعملها او حبقى أقول لك او لما خلص أحكيلك وطبعا ماتحكيش
٢- تاني حاجة بتحير النرجسي وتجننوا إنك تكوني متغيرة تغيري الروتين بتاعك فجأة وده إللي كان في الريل والناس كتير سألتني إحنا مش فاهمين إيه إللي بتقصديه بأن إحنا نغير الروتين أو نغير حياتنا فجأة زي إيه هو النرجسي أصلا بيحب الروتين وبيحب جدول يمشي عليه في كل حاجة في حياته حتى الأكل بيكون عامل له جدول كل حاجة في حياته بجدول طبعا ده مش معناه إن كل إللي بيمشي حياته بجدول يبقى نرجسي لأن كل الناس الناجحه في حياتها الناس بتوع البزنس والناس إللي عندهم مشاريع كبيرة ورجال الأعمال الكبار كلهم بيمشو بجدول زمني عشان يقدرو يتحكموا في يومهم وينجزوا وأهدافهم تتحق أما النرجسي فهو بيعمل ده من باب الخوف والرعب من إنه يفقد السيطرة على حياته فدايما تلاقيه روتيني هو له كرسي واحد بيحب يقعد عليه هو ميعاد أكل ثابت ما بيغيروش آ جدول أسبوعي للأكل يومي يعني كل أسبوع نفس الأكل إللي بيتاكل كل أسبوع هو هو يوم السبت و الحد والإتنين والتلاتة أكلات معينة والأسبوع إللي بعده بيكرره معظم النرجسيين كده إذا أديتيله سكة إن هو يتحكم في الموضوع ده خلاص انتهى الأمر بالنسبة له فإنتي تعملي إيه بقى إنتي لما تبتدي تغيري روتينك اليومي بشكل مش متوقع النرجسي يبدأ يرتبك مثلا إنتي بتروحي تشتري طلباتك يوم السبت وبعدين فجأة قررتي تروحي يوم الجمعة فهو حيسألك إيه ده إنت ما إنتي كل مرة بتروحي اليوم الفلاني إنت طبعا متجوبيش هتقوليله لا ولا حاجة أصل أنا اتفقت مع صاحبتي هنخرج النهاردة او حابة أغير
٣- طيب ثالث حاجة إنك أما تحبي تاخدي قرارات تاخديها بنفسك تحاولي تستقلي عنه ماديا مايعرفش عنك حاجة عن فلوسك حاجة خلي معلومات كتير في السر احتفظي بيها لنفسك وإديله فتات خبز في المعلومات لما تبتدي شغلانة جديدة ولا مشروع جديد ولا أي حاجة جديدة في شغلك تسكتي هو هيبدأ يسألك آ إنت يعني ماقلتليش فإنتي مايكونش ردك يكون إيه أنا مش هقول لك وإنت مش المفروض تعرف عني حاجة وإنت بتخبي فأنا مش مش هقول لأ إطلاقا يكون ردك إنه ولا حاجة أما ينجح أعرفك أول ما أخلص حقوللك كنت مستنية اتطمن انه حينجح وبعدين كنت هقول لك هكذا
٤- و دي بقى النقطة المهمة قوي إللي هي إنه هو بيعتمد على توقع دود أفعالك عشان يتحكم فيكي فإنتي تغيري ردود أفعال تبتدي تعملي حاجة إنتي مش متعودة تعمليها خليه يبتدي يفكر هو ايه التصرف ده سببه زي إيه مثلا إنت بتنامي بدري فجأة تسهري فهو حيستغرب وهيقول لك إيه ده يعني ما نمتيش فإنتي حيكون ردك عادي حبيت أجرب حاجة جديدة إنت ما بتتعشيش هيقول لك إيه ده إنتي بتتعشي ليه بتقولي له عادي بكسر الروتين حابة أغير زي ما قلت لكم في الريل والناس مفهمتش مثلا إنتي مش بتحبي عصير برتقال فجأة يلاقيكي بتشربي عصير برتقال إنت مابتحبيش الحلويات فجأة يلاقيكي بتاكلي حلويات إنتي بتحبي الحلويات فجأة لأ ما بقيتش أحبها الحاجات دي بتعمل له تربنه في دماغك بتعمله ايرور حقيقي في عقله
٥- كمان من الحاجات إللي بتربك النرجسي جدا و تحيره وتخليه يخسر المعارك معاكي إنك تتجنبي إنك تردي على التلاعب بتاعه في ساعتها زي العادة يعني هو مثلا يتهمك بحاجة إنتي العادي بتاعك إنتي أول ما يتهمك تدافعي عن نفسك وتبرري نفسك أو تنهاري أو تزعقي أو تتخانقي فإنتي الرد إللي يخبل النرجسي إيه أنا محتاج أفكر في الكلام ده وبرد عليك أو هو إنت عندك حق تفكر زي ما إنت عايز بس أنا مستغربة إن ذكائك يوديك للحتة دي أو أنا طول عمري بقول عليك ذكي إزاي ذكائك يخونك إزاي تفكر كده عموما أنا محتاجة أفكر في الكلام ده أو تبصيله كده وتبتسمي إنت شايف كده هي وجهة نظر برضه ، عدم الرد أو الردود الهادئة إللي بدون انفعال بتشكك نرجسي في نفسه هو طول عمره يشككك في نفسك فا جه الوقت إللي تعملي فيه نفس الحكاية
٦- في كل الحالات النرجسي لما بيعيش مع زوجته فترة طويلة بيفهمها كويس قوي ودايما عارف هيا هتعمل إيه لإن هو معودها إنها تحكيله كل حاجة فمثلا إحنا متعودين في الصيف إن إحنا بنروح أسبوع عند أهلك أسبوع عند أهله أسبوع في المصيف بنسافر برا وإنتي بتخططي وإنت إللي بتجهزي كل حاجة سواء بيشاركك هذه الأجازات او لا ، فإنتي بتعمليها لوحدك وبتعملي خططك وبتعرفيهاله طبعا أول بأول طيب لما تسكتي ماتعرفوش هتعملوا إيه في الصيف وكل ما يسألك تقوليله تصدق لسه والله لسه ..... الباقي في اول تعليق
0:00-0:33 المقدمة
0:33-0:57 النرجسي بيكره المفاجئات
0:57-1:37 أختفي #1
1:37-5:29 أتغيري #2
5;29-7:21 خدي قراراتك بنفسك #3
7:21-10:06 غيري ردرد أفعالك #4
10:06-11:51 تجنبي الرد علي التلاعب #5
11:51-13:12 متعرفيهوش كل حاجة #6
13:12-15:33 هدية #7
15:33-15:53 الخاتمة
#صحةـنفسية #القوة #الاكتئاب #النرجسي #النرجسية
Негізгі бет ازاي تستغلي كره النرجسي للمفاجآت عشان تهزميه؟
Пікірлер: 118