الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
عبارة عجيبة فكرتني بيكي وبكل حد عنده كرب ومعاناه ، العبارة بتقول ايه؟ أولئك الذين يأملون أن تذهب المُعاناة يوماً عنهُم لَن تذهب ، لأن المُعاناة ليست في الأشياء والأحوال إنما المُعاناة بداخلهم ستذهب معهُم أينما ذهبوا.
معاناتك تكمن في شخص ملك امرك واستولى على روحك بكلام زائف او بدنيا زائفة اذا بفلوسه ولا بهداياه ، طيب مين ملكه امرك انتي .مين اداه قلبك انتي ، يبقى مين يقدر يرده لكي برضه انتي بس ايه لا بحولك ولا بقوتك بحول الله وبقوة الله
تاااني جاية تبكتينا تاني جاية تلومينا انتي كمان مش كفاية احنا بنلوم نفسنا؟ لا خالص انا مش بلومكم ابدا بس انا عايزة أوصل لك معلومة مهمة جدا جدا لكي ، ان انتي مش عاجزة عن حل مشكلتك وان انتي اذا دورتي ع الحل عند النرجسي مش حتوصلي لحاجة لان الحل جواكي انتي ، زي ما المعاناة جواكي انتي ، طيب الحل جواكي ازاي؟ شوفي في الأول كنتي بتعاني من انك بتحبيه وهو منصرف عنك معظم الوقت وشوية يحبك وشوية يكرهك او يحقرك المهم انك كنتي بتعاني من اللخبطة في المشاعر وبعدين بدأتي تعاني من الظلم الزايد وبعدين تعافيتي وفهمتي انه نرجسي ومضطرب فبدأ عقلك يقول لك يعني حعيش من غير حب ومن غير زوج يسندني وانتي أصلا عايشة كدة بقالك ٣٠ سنة وايه كنتي مش دريانة انك سانداه مش هو اللي ساندك وانه خادعك وانه سارقك فبعد السنين دي كلها دلوقتي بس افتكرتي انك حتعيشي من غير حب ما انتي على فكرة طول عمرك عايشة من غير حب ، طيب يعني انتي عايزاني افضل كدة بقيت عمري؟ لا طبعا ياحبيبتي انا مش عايزة ومش مهم حتى انا عايزة ولا مش عايزة المهم انتي عايزة ايه؟ وليه؟ انتي عايزة رجل يكملك ولا انتي أصلا تكملي الرجل ولا كل واحد يكون نفسه افضل ومحدش يكمل حد ، انتي عايزة حد يسندك ولا ربنا يسندك ، انتي عايزة حد يطبطب عليكي ويديكي حب طيب هو انتي معندكيش حد ولا حد ولا صديقة ولا أولاد ولا اخوات ولا اب ولا ام ، طيب معندكيش ، يبقى باقي لك مين ؟ ربنا يبقى تفهمي انه بيفضي قلبك له ،يبقى تفهمي انه مش عايزك تحبي حد غيره يبقى تفهمي انه بيفرغك له هو عشان هو بيحبك وعشان قلبك أصلا له هو وماينفعش حد يشاركه فيه ، طيب دي اول معاناة ، ولو بصينا على باقي المعاناة اللي جواكي حنلاقي نكد النرجسي وإساءة ادبه ودي برضه حلها جواكي حلها في الثبات الانفعالي وحلها في انك تستبيعي وانك تكوني قوية وانك تتوكلي على الله في رزقك ورزق اولادك وانك فعلا تفهمي ان النرجسي مش بيرزق وانما ربنا بيرزقه برزقكم وهو مش فاهم كدة وكل الكلام دة أفكار يعني ايه ؟ يعني انتي بتفكري انك لو رديتي عليه او حطيتي حدودك وبقيتي قوية حيسيبك ويمشي او حيتجوز عليكي ،واذا دة حصل مش حيصرف على اولادك ، والأفكار دي حتخليكي تشعري بالخوف فتقبلي الإهانة لانك خايفة يمنع مصاريف اولادك ،يعني فكرة غلط ان الرزق في ايد النرجسي جابت لك مشاعر الخوف واللي خلاكي تتصرفي غلط وماتدافعيش عن نفسك وتقبلي الإهانة او الضرب ، وتيجي المعاناه وانتي يتهيألك انها من الظروف ومن الشخص الهش اللي انتي معاه في حين ان اصل المعاناة كان في تفكيرك انتي ومشاعرك انتي ، فكرتك الغلط هي اللي وصلتك للمعاناة ، تعالي بقى نفكر صح ، الرزق في ايد ربنا وبس ولو تصارع الخلق كلهم عشان يمنعوا رزق كاتبه ربنا لكي ولاولادك والله والله مايقدروا يمنعوا منه ذرة ولو تصارعوا كلهم عشان يجيبوا لك رزق مش بتاعك برضه ولا يقدروا يجيبوا لك ذرة ، الفكرة دي حتخليكي تشعري بالاطمئنان والأمان لان المتحكم في الارزاق هو رب العباد الرحيم الرؤوف ، وحتحسي بالقوة لانك في كنف القوي الجبار اللي مايقدر ع القدرة غيره القاهر فوق عباده فحتشعري بالقوة وشعورك بالقوة حيخليكي تقدري تحطي حدودك وتقولي لا وتمنعي الإهانة لانك مبقتيش بتخافي ولما تقدري تعملي دة بتخلصي من تاني معاناة ، بعدها بتبدأي تعاني من تصعيد النرجسي لكن ايمانك بالقضاء والقدر وايمانك بان ربنا معاكي بيخليكي برضه تشعري بالقوة وتصمدي وبعدين بعد ماتخلصي من معاناتك من النرجسي سواء فضلتي معاه او لا بتبدأي تعيشي معاناتك مع اولادك وآثار الحرب النرجسية عليهم ولما تشوفي الاثار دي تبدأي تاني تشعري بالخوف لا يكونوا زيه والخوف يربكك ويخليكي تتعاملي معاهم بحدة وتصرفاتك تزيد معاناتك لانها ناتجة عن شعور بالخوف اللي هو ناتج عن فكرة غلط اللي هي ان اولادك زي ابوهم في حين ان ممكن تكون نفسياتهم أصلا متدمرة منه ، وتاني تدخلي في معاناة ، طيب حلنا ايه حنفضل عايشين في معاناة طول عمرنا ؟ لا ابدا ربنا ماخلقناش عشان يعذبنا لكنه ماحطناش في الدنيا عشان ننعم بدون مقابل لازم نتعب عشان ننعم والنعيم موجود في الدنيا والاخرة اذا كنا مع الله الجنة موجودة في الدنيا قبل الاخرة الجنة موجودة في صلاة فيها صلة ، الجنة موجودة في ركعتين في جوف الليل ، الجنة موجودة في ركعتين في الحرم الجنة موجودة في النظر للقرآن والنظر للكعبة ، جنة الأرض راحة البال وراحة البال عمرها ماتتحقق وانتي بعيدة عن فطرتك اللي هي القرب لربنا اصلنا كان قرب منه اصلنا كان هناك عنده في الجنة فلو قربنا منه حنشعر بالاطمئنان والأمان والسكينة والفرحة بالقرب ووهنا لا مكان للمعاناة خلصت لانك فهمتي انتي في كنف مين ومين اللي بيحبك واللي بيحبك دة يقدر يعمل أيه ويقدر يحميكي ازاي ومين يقدر عليكي وانتي في كنفه جربي واحكي لنا واللي جربت تحكي عشان الناس تفهم وتحاول تقرب
#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #اسرة #اسرية #الخفي #النرجسيالخفي #حبينفسك #كونيملكة #القوة #الثقة #الاكتئاب #الصحة #النفسية#النرجسي #الحرب #التعايش #الخداع #اللؤم #الكتمان #الحماة #النرجسية #القوة #الذكاء #مشاكلـزوجية #زواج #ازواج #زوجات #الخفي#القوة #الثقة #الاكتئاب#النفسية
Негізгі бет ازاي تتخلصي من المعاناة مع النرجسي
Пікірлер: 236