"Жаңа заман-жаңа медиа" жобасы
Т.Рысқұлов атындағы мектеп-лицейінде "Медиа және ақпараттық сауаттылық - заман талабы" жобасы аясында "Үздік ашық сабақ" байқауына 5 "Г" сынып оқушыларымен Қазақстан тарихы пәні мұғалімі Р.Саутова "Алтын адам"археологиялық олжасы тақырыбында ашық сабақ өтті. Мақсаты: Қазақстандық ғалымдардың археологиялық жаңалықтарын білу,Есік обасынан табылған"Алтын адам"археологиялық олжасының ерекшеліктерін анықтау,ежелгі тайпалардың дүниетанымын сипаттау; Сабақ барысында «Миға шабуыл» әдісімен сақ тайпалары туралы жетелеуші сұрақтар беру арқылы үй тапсырмасы тексерілді. Үй тапсырмасын тексеруде оқушылардың барлығы жеке-жеке жұмылдырылып жетелеуші сұрақтарға жауап беріп отырды. Жаңа сабақтың тақырыбын болжату мақсатында оқушыларға Есік қорғанынан табылған «Алтын адам» суреті және бейнебаян көрсетілді.
Оқушылардың функционалды сауаттылығын арттыру мақсатында,оқушыларға бейнебаянға байланысты 3 сұрақ қойылды. Оқушылар қойылған 3 сұрақ арқылы жаңа сабақтың тақырыбын болжай алды және функционалдық сауаттылықты арттыру мақсатында қойылған сұрақтарға жауап беріп, сабақты өмірмен байланыстыра алды. Сабақ барысында оқушылар жаңа бейнебаян көру барысында оқушыларға берілген сұрақтар төңірегінде ойлануларына мүмкіндік берілді.Тақырыпқа байланысты топтық және жеке тапсырмалар орындалды. 1 тапсырма жеке жұмыс болды. «Тарихи сынақ хат» әдісі қолданылды.1 тапсырмада ЕББҚЕО ға жеке тапсырма дайындалып, оқушымен жеке жұмыс жасалды. 2 тапсырма топтық жұмыс «сұраққа-жауап» айдары әдісі.3 тапсырма «Алтын адам» археологиялық жәдігерінің ашылуының маңызы зор деген тұжырымды қолдайтын 3 дәйек келтірді.Сабақта оқушылар тақтаға жапсырылған таблица арқылы әр тапсырмаға жеке жеке бағаланып отырды. Сабақ соңында оқушылар сабақты түсінгендігі немесе түсінбегендігі туралы стикерге рефлексия жазды. Сабаққа кері байланыс беру үшін "Жалғастырыңыз" әдісі пайдаланылды. Оқушылар сабаққа белсенді қатысып,сабақ өз мақсатына жетті.
Негізгі бет Үздік ашық сабақ байқауы. Р. Саутова.«Алтын адам» археологиялық олжасы.
Пікірлер: 246