Зейнетақы қорына жиналған ақшасын пайдаланып қалудың бар амалын жасап жатқан халықтың қатары күн сайын артуда. Әсіресе, Алматы, Нұр-Сұлтан мен Маңғыстау облысының тұрғындары көп жүгінген. Ал, елімізде ең көп халық шоғырланған Түркістан облысында жыл басынан бері тек 978 адам ғана шотындағы ақшасын пайдаланыпты.
Жыл басынан бері 529 мыңнан астам қазақстандыққа Зейнетақы жинақтау қорынан 2 триллион 59 миллиард 390 миллион теңге аударылған. Қарағанды облысының 54 мыңнан астам тұрғыны, Атырау облысында 46 мыңнан аса, Ақтөбе облысында 36 мыңнан астам адам шотындағы ақшасын пайдаланған. Ал, Солтүстік Қазақстан облысы, Семей қаласы мен Жамбыл облысындағы халықтың қарқыны баяу. Айта кетейік, арнайы шотына ақша аударған жарты миллионнан астам қазақстандықтың 96 513-і 45 күннің ішінде пайдаланып үлгермей, қаражаты кері қайтарылған. Осылайша зейнетақы қорының игілігін көрген азаматтардың нақты саны 432 мыңнан асып отыр. Айта кетейік, ең бастысы ақшаны алуға жаңа жылға дейін өтініш беріп үлгерсеңіз болғаны. Яғни, күнтізбеге жаңа жыл кірсе де қаражатты пайдалану үшін 45 күндік мерзім сақталады. Бірқатар экономистер азаматтардың жаппай өтініш беріп жатқаны - қарапайым халықтың тұрмысының нашарлығының көрсеткіші дейді.
МАҚСАТ ХАЛЫҚ, экономист:
- Бұның барлығы елдің, халықтың әлеуметтік жағдайының төмен екендігінің нақты көрсеткіші деп айтуға толық негіз бар! Азаматтардың даурығып жатқанының ар жағында сол ешқандай логикаға, ақылға негізделмеген шешімнің әсер еткені деп айтушы едім! Базалық зейнетақы да өте көп көлемде өспеген және де айлық есептік көрсеткіш те аз ғана мөлшерде өскен. Ал енді ең төменгі жалақы иа, 40 пайызға өскен. Бірақ та, соңғы үш жылда ол ешқандай өсім көрсетпеген!
Ал, "жеткілікті шектің өзгеретінін бірнеше рет хабарладық" деген еңбек және халықты әлеуметтік қорғау министрлігінің баспасөз қызметі "бұл көрсеткіштердің кез келгенін өзгерту үшін қайта есептеу керек" деді. Ал, ол есепті бірыңғай жинақтаушы зейнетақы қоры өткізеді, сәйкесінше түсіндіру, консультативтік жұмыстар да қордың міндетінде деп отыр. Бір сөзбен айтқанда, барлық көкейтесті сұрақтармен зейнетақы қорының мамандары айналысатынын жеткізді.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
Негізгі бет Зейнетақы қорындағы артық ақшасын шешуге талпынған халықтың қатары көбейе түсті
No video
Пікірлер: 5