Маңғыстау облысында «ӨзенМұнайгазға» қызмет көрсететін компаниялардың бірінен дау шықты. «Мұнай-Спец-Снаб-Компани» жауапкершілігі шектеулі серіктестігінің жалдамалы жүргізушілері төленетін тариф бағасын көбейтуді талап етіп кешелі бері наразылыққа шығып жатыр. Мұнай өндіретін компания қызметкерлерін жеке көліктерімен тасымалдайтын жүргізушілер еңбекақының мардымсыз екенін айтады. Ал Маңғыстау облыстық еңбек инспекциясы мәселені тапсырыс берушімен келісімге келіп немесе сот арқылы шешу керектігін айтады.
Маңғыстауға танымал "МұнайспецНаб" компаниясы 60 көлік жүргізушісімен жеке қызмет көрсету шарты бойынша келісімшартқа отырған. Жеке көліктерімен таңнан қара кешке дейін компания мүддесіне жұмыс істейтіндер мұнай бағасының түсуі мен карантинге байланысты жұмыс уақыты 8 сағат болып қысқарып, әр сағатқа 1200 теңге төленгенін айтады. Жүргізушілердің сөзінше 2021 жылдан бастап компания жұмыс уақытын 10 сағат етіп, 1400 теңгеден төлейміз деп уәде берген.Екі күннен бері наразылыққа шығып, жұмысты тоқтатқан жүргізушілер полиция тарапынан бүгін өздеріне қысым көрсетілгенін айтты. Ал облыстың полиция департаменті бұл мәселе бойынша әкімдік жауап береді дейді. Бірақ Жаңаөзен қаласының әкімдігі бұл мәселеге байланысты ақпарат бере алмайтынын мәлімдеді. Қазір "ӨзенМұнайГаз" бен ""МұнайСпецСнаб Компани" жауапкершілігі шектеулі серіктестігі арасында осы мәселелерді шешу бойынша келіссөздер жүргізіліп жатыр екен. Ал еңбек инспекциясындағылар «Бұл жағдайда жеке кәсіпкерлерге тапсырыс берушімен келісімге келіп немесе сот арқылы шешу керек», - дейді.
Ал «МұнайСпецснаб» компаниясынан мәселеге байланысты ақпарат алу мүмкін болмады. Жауапкершілігі шектеулі серіктестіктің басшысы біздің қоңырауларымызға жауап бермеді. Ал наразылыққа шыққандар қойылған талап орындалмайынша, жұмысты жалғастырмайтындарын айтып отыр.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informb...
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар
Негізгі бет «ӨзенМұнайгазға» қызмет көрсететін компаниялардың бірінен дау шықты
Пікірлер: 50