⚜️Қайырымдылыққа үн қосқан іс-шара ұйымдастырды «Жанұя» отбасы институтын қолдау орталығы.
«ІЗГІЛІК ТУЫ - БІРЛІКТЕ» атауымен өткен жиын, жүректері мейірімге толы жандардың басын қосты.
🔸Іс-шараны салтанатты түрде ҚР Парламенті Мәжілісінің депутаты Динара Закиева ашты. Халық қалаулысының аталмыш іс-шараға қатысқаны да бекерден-бекер емес, неге десеңіздер қиын өмірлік жағдайға түскен жандарды ерекше қолдап, қала бойынша құрылған “Жедел әрекет ету” тобында модератор әрі өзгенің қиындағына қол сілтемей, аса жанашырлық танытып жүргендердің бірі.
📌Сонымен қатар,
«Ақ мешіт» мешітінің имамы, исламтанушы Фархат Исаұлы, «Харекет» қайырымдылық қорының Астана қаласы және Ақмола облысының өкіл басшысы Әсел Құрманқызы Абдоллаева, «Медицина Жастары» Республикалық қоғамдық бірлестігінің төрағасы Абылайхан Әбдікәрімұлы Әбдірәш, Астана қаласы әкімдігінің жанындағы Әйелдер істері және отбасылық-демографиялық саясат жөніндегі комиссия мүшелері: Астана қаласы Полиция департаменті Әйелдерді зорлық-зомбылықтан қорғау бөлінісінің аға инспекторы Гүлмира Тілеуғалиқызы Шрахметова және психолог Лимана Құттыбекқызы Қойшиева сынды әлеуметтік салада есімдері ерекше аталып жүрген т.б қонақтар қатысты. Жиын барысында орталықтың қызмет алушыларының балаларына «Көктем» ЖШС-ң ұжымы сыйлықтар тарту етті. Іс-шара соңында Е.Рахмадиев атындағы Мемлекеттік академиялық филармония әншілері, халықаралық байқаулардың лауреаттары - Парасат Отан және Әйгерім Ораз Шәмші Қалдаяқовтың «Ана туралы жыр» әнін тарту етті.
🤝Адамзатты қайырымдылыққа, ізгілікке шақыру асыл парыз. Дана қазақ «Кең пейілді - кем болмас» - деген. Қазіргі қоғамда игі ісімен талайға үлгі болып, жақсылық жасап, жұрттың батасын алып жүрген жандар аз емес. Адам өзі өзгермей, қоғам өзгермейді. Өйткені қоғам әрбір жеке тұлғадан құрылады. Сондықтан, әрбір адам жақсылық жасауға ұмтылғаны абзал.
@altay_kulginov_official @akimat__astana @upravlenie_zanyatosti @otbasy_sayasat_astana @astana_filarmonia @zakiyevadinara @gulmira.shrakhmetova @balzhan_assylbayeva
Негізгі бет «ІЗГІЛІК ТУЫ - БІРЛІКТЕ» қайырымдылыққа үн қосқан іс-шара
Пікірлер