⚜Ағымдағы жылдың 20 қазанында «Жанұя» орталығында «Өзгеріс - өз қолыңда» атты мотивациялық кездесу, психологиялық тренинг өтті.
❕Іс-шара өмірлік қиын жағдайға тап болған отбасыларға қолдау көрсету, ынталандыру, ең бастысы, өмірге жаңа өзгерістер енгізу әр-бір жанның өз қолында екенін түсіндіру мақсатында ұйымдастырылды. Келген әйедер қауымына жылы лебізін білдіріп, қиындыққа мойымай, алға ұмтылуға мотивация сыйлайтын сөзімен кездесуді ашқан Астана қ. әкімдігінің жанындағы Әйелдер істері және отбасылық-демографиялық саясат жөніндегі комиссия төрағасының орынбасары Назгүл Сейіткожақызы Макжанова болатын. Іс-шараға қатысқан нәзік жандылар, көңілдеріне керегін түйді деп ойлаймыз. Орталықтың психологы Гаһар Базарқызы Әскерова «Өзгеріс - өз қолыңда» атты арнайы тренинг өткізіп, ерекше атмосфера сыйлады. «Жанұя» орталығын таң сәріден белгілі визажист, Гоар Аветисянның шәкірті Гауһар Мұсахметқызы Орталықтың сүйемелдеуіндегі аналардың бет-әлпетін әрлесе, Димаш Құдайбергеннің шаш үлгісінің авторы Назерке Козинованың командасының хас шебері Жандос Абдильдин аналарға керемет шаш үлгісін жасады. «Marmelad» балалар мерекесі студиясының аниматорлары орталыққа келген балаларды ойнатып, көңілдерін көтерсе, балаларға Қазақстан кәсіпкер әйелдері қауымдастығы атынан пицца, ал «Харекет» қайырымдылық қорынан тәттілер, «Көктем» ЖШС-нің атынан арнайы сыйлықтар таратылады. Әлеуметтік маңызы зор іс-шараны қолдауға дайын тұратын, өзгеге медеу бола алатын, қол ұшын созатын ізгі жандардың көбейіп келе жатқаны бізді өте қуантады. Жақсылық жасау - имандылықтың, парасаттылықтың айқын көрінісі. Сондықтан, жақсылық жасауға үн қосқан «Харекет» қайрымдылық қорының Астана қаласы және Ақмола облысының өкіл басшысы Абдоллаева Әсел Құмарқызына, «Baqytty Asyl Urpaq» қоғамдық қорының жетекшісі Балжан Оралқанқызы Асылбаева, Астана қаласы «Smart technological school» ЖШС құрылтайшысы Динара Нургалиевна Кудайкуловаға, балаларға арналған оқыту-дамыту орталықтар желісінің негізін қалаушы Мадина Турганбаеваға, «Marmelad» балалар мерекесі студиясының аниматорларына және бізді әрдайым қолдап, демеушілігін аямайтын «Көктем» ЖШС-ң директоры Нұрлан Сейітқамзеұлы Құнанбаевқа ерекше алғысымызды білдіреміз.
Бұл күн Орталық үшін ананы және баланы бақытты қылған күндердің бірі болғаннан кейін, Орталықтың қызметкерлері де шексіз шаттыққа бөленгені сөзсіз. Бұл әлемді тек мейрімділік құтқарады!
Ғалам жомарт жандармен көрікті!
Негізгі бет «Өзгеріс - өз қолыңда» атты мотивациялық кездесу, психологиялық тренинг
Пікірлер