6月29日更新:示範一次畀大家睇開機前同開機後嘅分別。請留意,我只係開最細風,都可以嘈過大排檔牛角扇。
進化到上下擺動不停有噪音,可以永久blacklist。真心唔想嘥時間喺呢啲垃圾產品度,但唔拍片提醒大家的話,我過唔到自己良心。
--------
4月:標榜扇葉設計可以減少噪音,但底座轉動時發出大量聲響,咁樣取巧真係要畀個叻marketing team。
平心而論,扇葉轉動時真係靜,但只要將風扇轉做左右、上下搖擺,就算風速只係1(最細),都會發出吵耳嘅「卡卡」聲。唔只咁,摩打都會有雜聲,風扇中央會耐唔耐發出「隆隆」聲響,靜靜地睇緊電視都會畀呢啲聲分咗心,莫講話瞓覺嗰陣。而家瞓覺都唔敢set做搖擺,只可以吹死一個位,免得有噪音...
最好笑係feedback番畀HKTVmall,CS quote番商戶回覆:暗示風速1-5先係靜音(即係你肯定係開得大先嘈啦,學咩人投訴),然後再補一句「機器運轉必定會有聲音,尤其是開較高風速時確實會有比較大聲」。首先,hello?我只係開「1」都咁嘈喎而家係,冇人問過個客就已經self defense話開得大一定嘈,扮了解都費事;第二,產品用「靜音」做賣點,客就梗係expect整體都靜㗎啦,你唔好話熄咗機就靜,開機就一定嘈?如果「機器運轉必定會有聲音」,我點解一定要買呢部?大家都係中國製造,我去日本城買部平一半嘅唔好?
想換貨?七日之內都冇得上門幫你搞,要星期一至六辦公時間內,成部風扇拎去觀塘檢查。即係嘥時間、嘥體力、嘥心機,仲要唔知畀唔畀你換,然後又要擔心機器運轉必定會有聲音,可能第二部都係咁。請問我應唔應該睇開啲,當買咗個教訓算?
(片段攝於開封後第二個月)
Негізгі бет 【中伏!】IRIS OHYAMA - IRIS OHYAMA DC Silent PCF-SDS15T 全方位直流靜音循環風扇 評測
No video
Пікірлер