張敬軒IG四個半鐘直播精華丨陪傾偈助樂迷宣洩情緒丨患病樂迷泣不成聲致謝丨自爆工作壓力大丨曾經想過買機票走人丨講MIRROR講樂壇新景象丨田木集作
好人好事!張敬軒今日凌晨喺IG開直播同樂迷互動,由凌晨1點左右,一直傾到今晨5點半先收台。軒仔呢個LIVE非常非常有意義,而佢犧牲瞓覺嘅時間都要開直播,因為佢希望用自身嘅能力,開解一啲生活上遇到困難,或者感覺在困局嘅人,每當聽到令人傷感的故事,軒仔亦被牽動情緒;不過軒仔並不孤單,因為雖然半夜三更,但有唔少網民都陪伴住軒仔做直播,高峰期更高達一萬人。
軒仔剛開直播,將直播主題叫做「都是夜歸人」,變身情緒治療師畀樂迷一個渠道將負能量釋放出來,一位準DSE女學生,因為考試壓力同屋企問題唔開心,加上「家姐」身份要照顧細佬妹,令佢好羡慕有哥哥姐姐嘅同學。軒仔本身都係獨生子,佢講到愛犬「妹妹」前晚漏夜送咗去動物醫院,擔心「妹妹」捱唔過呢關就忍唔住眼濕濕:「我企咗係醫院門口就有你呢種感覺,如果有阿哥家姐,唔使成個屋企壓力喺晒自己度!」
軒仔嘅IG直播去到凌晨3點幾結束,但過咗十多分鐘軒仔突然再開直播,原因佢發現好多網民私訊求助,有唔少個案好急切,佢想即刻處理,仲改咗主題叫「軒公心事台」,其中一位網民Angel有先天性白血球問題,身體差不能工作,加上媽媽為咗照顧佢積勞成疾,當Angel道出生活上種種不順境時多次哭成淚人,軒仔明顯感到好擔心,多次着她要留下聯絡方法。之後有位日內要做心臟手術,擔心不成功會即時離開的18歲軒仔樂迷,向軒仔宣洩負面情緒時泣不成聲,又話買咗軒仔演唱會門票,但好擔心自己去唔到,仲講到曾經有諗過「傻事」。
之後,軒仔用自身嘅事比勇氣呢個樂迷,佢話幾年前面對過一次困難,有電視台搵佢做嘢,但自己「唔係嗰類型嘅人」唔想做,但電視台用盡好多方法去安排,事件去到好差嘅地步,除咗諗過買機票一走了之,亦有出現過男歌迷嘅「念頭」,但係最後覺得唔Work,唔係面對困難方法。」男樂迷被軒仔成功開解,軒仔亦答應男歌迷手術後去探佢,親自同佢打氣。
====================
更多《田木集作》嘅片,可以喺呢度睇到👇🏻👇🏻👇🏻
🛎️ YT: / 田木集作
🏃🏻 IG : / touchwoodtv
❤️ FB: / touchwoodtv
====================
#張敬軒 #IG直播 #hinscheung #MIRROR #助樂迷宣洩情緒 #田木 #田木集作 #touchwoodTV
Негізгі бет 張敬軒IG四個半鐘直播精華丨陪傾偈助樂迷宣洩情緒丨患病樂迷泣不成聲致謝丨自爆工作壓力大丨曾經想過買機票走人丨講MIRROR講樂壇新景象丨田木集作
Пікірлер: 47