張佳添稱與激咀女子了解中 指升呢做女友要先過三關
歌唱選秀節目《中年好聲音2》評判之一嘅張佳添,最近被影到喺街頭同一位女子激咀,令人猜測單身8年嘅佢終於有新戀情。
不過呢日添Sir就打破大家嘅猜測,佢先解釋張相係因為自己信錯人,畀新相識嘅工作人員影低同出賣,添Sir話好在張相影得佢幾靚仔,又唔太猥瑣,對於於相中女子激吻,添Sir就話:「錫錫之嘛,有咩咁大不了,最緊要大家覺得我靚仔就得。」
經歷過兩次婚姻嘅添Sir,指而家擇偶會更加謹慎,佢指同相中女子係了解中,又笑言如果要做佢女朋友嘅話要過三關,第一關要互相吸引、第二關係相合度,即係大家唔駛互相遷就,相處得舒服,而第三關就係要有相似嘅價值觀。
而另一位評判周國豐,呢排因為椎間盤突出,搞到要撐住拐仗嚟錄影《中年好聲音2》,好彩經過針灸治療後,情況稍微舒緩,佢仲話參賽者既歌聲,亦令佢暫時忘卻痛楚。
#中年好聲音2 #張佳添 #激咀 #女子 #了解中 #擇偶要求 #過三關 #周國豐 #椎間盤突出 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
Негізгі бет 張佳添稱與激咀女子了解中 指升呢做女友要先過三關
Пікірлер: 69