中年好聲音2|終極海選唱到深夜 數千人獻唱完成爭入100強
《中年好聲音2》自公開接受報名之後反應踴躍,星期日舉行嘅第三輪海選,更一直唱到接近午夜先完成,一眾疲憊嘅評判仲話參賽者質素比上屆更高,要揀選100強入圍相信會比上一次頭痛得多呀。
張佳添 伍仲衡 韋綺姍 車婉婉 同一直在場協助海選安排嘅 梁浩銓 事後接受訪問,就話今年各位參加海選嘅朋友無論國籍、風格同唱功都非常豐富,令佢哋認為今屆比賽會更加精彩呀。
呢日唔少功力深厚嘅參加者喺晚上陸續出現試唱,其中曾參與《超級巨星》嘅 陳康健 自彈自唱就獲大讚喇,而佢本人事後亦似乎非常滿意表現。至於 王賢誌 嘅堂弟 王賢訊 亦都有參與,過往因曾擔任院董事局成員而習慣上台嘅佢,就話呢日面試一樣非常緊張。
部份藝員同事呢日亦有參與面試,好似 張彥博 葉凱恩 莫家淦 同 王鎮泉 等,佢哋雖然開工日夜都面對鏡頭,不過同公眾一齊參與海選就令佢哋個個都一樣話心情非常緊張,同平時表演非常唔同喇。
雖然由朝唱到晚,評判同工作人員都略帶疲態,不過部份參加者一出現,就順利令深夜時嘅大家都一樣精神百倍喇,好似其中兩位女士「小小鳳」同來自廣州嘅Victoria,就令評判眼前一亮喇。
#中年好聲音2 #終極海選 #陳康健 #王賢訊 #張彥博 #葉凱恩 #莫家淦 #王鎮泉 #小小鳳 #龍婷二點零 #張佳添 #伍仲衡 #韋綺姍 #車婉婉
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
Негізгі бет 中年好聲音2|終極海選唱到深夜 數千人獻唱完成爭入100強
Пікірлер: 325