張天賦解釋新歌MV錫錫鏡頭 稱怕fans嬲豬以後會更小心
MC張天賦呢日以一身黑色牛仔look出席品牌活動,大批fans一早到場霸位等見偶像。睇落塊面瘦咗啲嘅MC,就話因為之前發現智慧齒發炎,本住長痛不如短痛嘅心態,佢一次過剝晒4隻智慧齒呀!
講到日前公開嘅新歌MV預告片入面疑似有同女主角kiss,令fans大受刺激,仲起哄話要罷睇呢個MV,MC喺社交平台澄清過之後,呢日再次作出回應,解釋一切只係借位,佢同女主角並冇接觸,只係公司負責宣傳嘅社交平台比較百厭,將條片剪到睇落好似真係錫到咁,先掀起少少浪潮。問到MC下次拍MV會唔會同女主角保持距離?佢就話呢個問題係每次拍MV前,公司開會時都會討論嘅,因為知道fans們比較敏感,成日都話罷睇呀!至於問到會唔會加入BL元素?MC就話好睇首歌同MV嘅故事內容,如果一切都合適嘅,自己都OK呀!
年初開完紅館演唱會嘅MC,嚟緊將會去到澳門開騷,佢話自己而只係記得少少舞步,又話覺得自己嘅體力爭減啲,所以呢排要努力排舞呀!
#MC #張天賦 #MV #女主角 #錫錫 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
Негізгі бет 張天賦解釋新歌MV錫錫鏡頭 稱怕fans嬲豬以後會更小心
Пікірлер: 3